17.08.2026 | 10:46
Թավրիզ–Երևան չվերթները երկու տարվա դադարից հետո կվերականգնվեն
Հայաստան–Ֆրանսիա ռազմավարական գործընկերության խորացումը՝ Գրիգորյան–Օղոյ հանդիպման օրակարգում
Քաղաքականություն
06.05.2026 | 20:31
ՀՀ ԱԽ քարտուղար Արմեն Գրիգորյանը հանդիպել է Ֆրանսիայի ԱԳՆ ռազմավարական կենտրոնի տնօրեն Թղիստան Օղոյի հետ՝ քննարկելով երկկողմ համագործակցության խորացումն ու ձեռքբերված պայմանավորվածությունների իրականացումը։ Այս մասին տեղեկացնում են ԱԽ գրասենյակից։
Կողմերը գոհունակությամբ նշել են, որ Ֆրանսիայի նախագահ Էմանուել Մակրոնի Հայաստան կատարած պետական այցն անցել է շատ բարձր մակարդակով՝ արտացոլելով երկու երկրների միջև առկա հարաբերությունների ամրությունն ու դարավոր բարեկամությունը: Երկուստեք ընդգծվել է «Հայաստանի Հանրապետության և Ֆրանսիայի Հանրապետության միջև ռազմավարական գործընկերության հաստատման մասին» համատեղ հռչակագրի ստորագրման կարևորությունը, ինչպես նաև վստահություն են հայտնել, որ Հայաստան-Ֆրանսիա հարաբերությունները կզարգանան նոր ինտենսիվությամբ՝ ընդգրկելով համագործակցության բոլոր հնարավոր ոլորտները:
Հանդիպման ընթացքում կողմերը քննարկել են նաև ավելի վաղ ձեռք բերված պայմանավորվածությունների իրականացման ընթացքն ու վերահաստատել դրանց շարունակական առաջմղման հանձնառությունը:
