26.10.2026 | 11:55
ՔՊ-ական և պրոՔՊ-ական ուժերը ջախջախիչ հաղթանակ տարան ՏԻՄ ընտրություններում․ Փաշինյան․ ՏԵՍԱՆՅՈՒԹ
Սիմեոնեն հրել է «Արսենալի» մարզական տնօրենին, որի հետ աշխատել է «Աթլետիկոյում»․ ՏԵՍԱՆՅՈՒԹ
06.05.2026 | 11:15
Մադրիդի «Աթլետիկոյի» գլխավոր մարզիչ Դիեգո Սիմեոնեն Չեմպիոնների լիգայի կիսաեզրափակիչի պատասխան խաղի ժամանակ ընդհարվել է Լոնդոնի «Արսենալի» մարզական տնօրեն Անդրեա Բերտայի հետ։
Հանդիպման 95-րդ րոպեին Բերտան մոտեցել է եզրային գծին և ժեստերով ցուցադրել, որ ժամանակն է ավարտել հանդիպումը։ Դա դուր չի եկել Սիմեոնեին, որը մոտեցել է իր նախկին գործընկերոջը և հրել նրան։ Նրանց բաժանել են երկու ակումբների ներկայացուցիչները։
Անդրեա Բերտան երկար տարիներ աշխատել է «Աթլետիկոյում»։ 2013-2025 թթ․ 54-ամյա իտալացին եղել է իսպանական ակումբի մարզական տնօրենը և լավ հարաբերություններ է ունեցել արգենտինացի մարզիչի հետ։
Հիշեցնենք, որ «Արսենալը» նվազագույն հաշվով հաղթել էր «Աթլետիկոյին» ու 20 տարվա ընդմիջումից հետո դուրս եկել Չեմպիոնների լիգայի եզրափակիչ։
