04.11.2026 | 18:34
Բաքուն պլանավորում էր Ղարաբաղ վերադարձնել 140,000 ադրբեջանցու, սակայն ընդամենը 40,000-ն է բնակվում․ ինչու է ծրագիրը ձախողվում
Բանգլադեշից «Բանգլադեշ». ինչ է պատմում 4600 կմ հեռավորությունից Հայաստան եկած Ջորջը․ ՏԵՍԱՆՅՈՒԹ
Հասարակություն
02.05.2026 | 13:00
Ջորջ Ալին արդեն 4 տարի է՝ ապրում է Հայաստանում՝ Երևանում: Նա Բանգլադեշի մայրաքաղաք Դաքայից է, 30 տարեկան է: Բանգլադեշում COVID-19-ի շրջանում Ջորջի բիզնեսը տուժել է, դրանից հետո նա ընկերոջ խորհրդով տեղափոխվել է Հայաստան։
Սկզբնական շրջանում մի քանի ամիս Ջորջը Երևանում աշխատել է որպես անգլերենի ուսուցիչ, ասում է՝ այստեղ ուսուցիչներին քիչ են վարձատրում, նաև հանդիպել է խտրական վերաբերմունքի, երբ ծնողները, ակնարկելով իր՝ բանգլադեշցի, թուխ մաշկով լինելը, նախընտրել են, որ իրենց երեխաներին Ջորջը չդասավանդի, այդ պատճառով դադարեցրել է ուսուցչի գործունեությունը։
Ու թեև սպասարկման ոլորտում ևս հանդիպել է խտրական վերաբերմունքի ինչ-ինչ դրսևորումների, Ջորջը, այնուամենայնիվ, Հայաստանում ընդհանուր առմամբ իրեն լավ է զգում, ասում է՝ այստեղ ապահով է։ Նա նույնիսկ չի բացառում, որ մինչև կյանքի վերջը կարող է Հայաստանում ապրել։
Հիմա Ջորջը զբաղվում է արտաքին գովազդի ձևավորմամբ, նաև համագործակցում է տարբեր օբյեկտների հետ՝ ապահովելով դրանց մաքրությունը։
Մանրամասները՝ տեսանյութում։
Աննա Բաբաջանյան
