Իրանի գերագույն առաջնորդը հայտարարել է, որ օտարերկրյա ագրեսորների տեղը «իր ջրերի խորքն է»

Իրանի գերագույն առաջնորդ Մոջթաբա Խամենեին հայտարարել է, որ «օտարերկրյա դերակատարները» տեղ չունեն Պարսից ծոցում՝ բացի «նրա ջրերի խորքից», հաղորդում են պետական ​​լրատվամիջոցները, գրում է CNN-ը։

Հոր սպանությունից երկրի նոր գերագույն առաջնորդ ընտրությունից յոթ շաբաթ անց իրանցիները դեռևս չեն տեսել կամ լսել Խամենեիին, սակայն նա մի քանի գրավոր ուղերձներ է հղել։

«Մենք և Պարսից ու Օմանի ծոցերի մեր հարևանները ունենք ընդհանուր ճակատագիր, և օտարերկրյա դերակատարները, որոնք գալիս են հազարավոր կիլոմետրերից՝ եսասիրական մտադրություններով, այստեղ տեղ չունեն, բացի նրա ջրերի խորքից»,- ասվում է նրա հայտարարությունում։

Ուղերձում Խամենեին հավելել է, որ Իրանը մտել է «տարածաշրջանային և համաշխարհային կարգի» նոր գլուխ։ Նա ասել է, որ Իրանը «կպաշտպանի» իր միջուկային և հրթիռային կարողությունները, որոնք ԱՄՆ-ի հետ ցանկացած գործարքի հիմնական խոչընդոտներն են։

Այս ուղերձը հրապարակվել է այն բանից հետո, երբ աղբյուրները հայտնում են, որ ԱՄՆ նախագահ Դոնալդ Թրամփը պատրաստվում է Իրանի նավահանգիստների երկարաժամկետ շրջափակման՝ այն դիտարկելով որպես գլխավոր լծակ՝ Իրանին ստիպելու պատերազմը դադարեցնել և բանակցությունները վերսկսել։

CNN-ն ընդգծում է, որ Խամենեիի հայտարարությունը հնչում է նաև ԱՄՆ պետքարտուղար Մարկ Ռուբիոյի հայտարարությունից մի քանի օր անց, ըստ որի՝ ԱՄՆ-ը նշաններ  ունի, որ այաթոլլահը ողջ է, բայց կասկածի տակ է դրել՝ արդյո՞ք ունի «հոգևորական լիազորություններ՝ իրականում որպես գերագույն առաջնորդ գործելու համար»։

Թարգմանությունը՝ Էմմա Չոբանյանի