02.07.2026 | 16:05
Կալանավորը հացադուլի 51-րդ օրը դադարեցրել է այն․ նրա խափանման միջոց կալանքը փոխվել է
Մուստաֆաևի գլխավորած պատվիրակությունը Աղվերանում է. ՊՊԾ-ն փակել է ճանապարհը
Քաղաքականություն
29.04.2026 | 15:15
Ադրբեջնական պատվիրակությունը` փոխվարչապետ Շահին Մուստաֆաևի գլխավորությամբ այս պահին Աղվերանի «Apricot» հյուրանոցում է: Դեպի հյուրանոց տանող ճանապարհը փակել է ՊՊԾ-ն: Factor TV-ի նկարահանող խումբն աշխատում է հյուրանոցի մոտից:
Հիշեցնենք, որ Ադրբեջանի պատվիրակության Հայաստան այցի մասին առաջինը հայտնեցին ադրբեջանական լրատվամիջոցները: Դրանից հետո միայն ՀՀ արտգործնախարարությունը պաշտոնապես հաստատեց տեղեկությունը:
Գերատեսչության մամուլի խոսնակ Անի Բադալյանը հանդիպման օրակարգի վերաբերյալ մանրամասներ չհայտնեց, միայն նշեց, որ կտրվի լրացուցիչ տեղեկություն:
Հավելենք, որ Մուստաֆաևը գլխավորում է Հայաստանի հետ սահմանազատման և սահմանային անվտանգության հարցերով Ադրբեջանի հանձնաժողովը: Վերջին անգամ անցյալ տարի նոյեմբերին են հանդիպել հանձնաժողովները Գաբալա քաղաքում և պայմանավորվել էին հաջորդ հանդիպումն անցկացնել Հայաստանում:
Արփի Հակոբյան
