02.07.2026 | 17:23
Նիկոլ Փաշինյանի ճեպազրույցը՝ ՈՒՂԻՂ
Խաղաղությունն այս գնով երաշխավորված չէ․ այն նոր ճգնաժամերի է բերելու․ Սուրեն Սուրենյանց․ ՏԵՍԱՆՅՈՒԹ
Քաղաքականություն
28.04.2026 | 18:07
ԲՀԿ նախընտրական ցուցակի 8-րդ համար Սուրեն Սուրենյանցը նախընտրական ծրագիրը ներկայացնելիս ընդգծեց, որ խաղաղությունը պետք է ունենա իրավական, միջազգային, ինստիտուցիոնալ հիմքեր։
«Հակառակ պարագայում ունենալու ենք այն վիճակը, որն ունենք այսօր, երբ Նիկոլ Փաշինյանը, օրինակ, ներքաղաքական որևէ իրադարձությամբ կամ իր իշխանությամբ փոխվել-չփոխվելու հանգամանքով է պայմանավորում խաղաղության գործընթացը։ Խաղաղությունը ցանկացած գնով, այն, ինչ որդեգրել է այսօրվա իշխանությունը չի բերելու երաշխավորված խաղաղություն, դա բերելու է նոր փակուղիների, նոր ճգնաժամերի, դա բերելու է կա՛մ պետականության հիմքերի ոչնչացմանը, կա՛մ նոր ֆորսմաժորների, անգամ պատերազմների»,- նշեց Սուրենյանցը։
Նրա կարծիքով՝ առանց արտաքին երաշխավորների և հստակ վերահսկման մեխանիզմների՝ խոցելի է ցանկացած համաձայնություն։
«Սա ակնհայտ աքսիոմատիկ ճշմարտություն է, մանավանդ եթե հաշվի առնենք Հայաստանի և Ադրբեջանի միջև առկա ուժային դիսբալանսը։ Սա չի նշանակում վերաբանակցում, ինչպես նշում են իշխանությունները, սա չի նշանակում Հայաստանի միջազգային պարտավորությունների անտեսում։ Իշխանությունները միտումնավոր են այս թեզերը շրջանառում՝ մանիպուլյացնելու համար այն, ինչ առաջարկում ենք մենք»,- ասաց Ծառուկյանի թիմակիցը։
ԲՀԿ-ն ընտրություններին մասնակցում է «Առաջարկ Հայաստանին» ծրագրով․ նախընտրական ծրագիրը ներառում է 10 հիմնական առաջարկ։
Մանրամասները՝ տեսանյութում։
