11.08.2026 | 14:38
Չկա երաշխիք, որ նոր Սահմանադրության ընդունման դեպքում էլ Ադրբեջանը նոր պահանջներ չի դնի. Պողոսյան. ՏԵՍԱՆՅՈՒԹ
Երկրում ներդրումներ չեն կարող լինել, եթե մարդիկ չեն վստահում դատարաններին. Արմեն Սարգսյան
Տեսանյութեր
21.11.2018 | 11:16
Աշխարհում աննկատ չի մնում փաստը, որ Հայաստանում հայտարարված է և իրականացվում է կոռուպցիայի դեմ պայքար: Այսօր՝ նոյեմբերի 21-ին, գործարարների հետ հանդիպման ժամանակ այս մասին ասել է ՀՀ նախագահ Արմեն Սարգսյանը:
Հանդիպմանը մասնակցել է նաև վարչապետի պաշտոնակատար Նիկոլ Փաշինյանը: Նախագահի խոսքով՝ խոսքը ոչ միայն կոռուպցիայի դեմ պայքարի, այլ ընդհանրապես դատաիրավական համակարգը բարելավելու քայլերի մասին է:
«Մենք ցանկանում ենք ունենալ այն դատարանը, որի մասին մենք երազում ենք, որովհետև չի կարող բիզնեսը զարգանալ, երկրում ներդրումներ չեն կարող լինել, եթե մարդիկ չեն վստահում դատարաններին: Եթե ուշադիր լինենք, աշխարհում ամենահայտնի ներդրումային ծավալներ ունեցող երկրներն ունեն լավագույն դատաիրավական համակարգը»,- ասել է նա:
Արմեն Սարգսյանը կարևորել է նաև արբիտրաժային դատարանների մշակույթը. առկայությունը. «Շատ կցանկանայի, որպեսզի Հայաստանում զարգանար նաև արբիտրաժային դատարանի մշակույթը՝ որպես երկխոսության, բանակցելու մեկ ուրիշ էլեմենտ»:
Հայաստանում ներդրումների և բիզնեսի համար Արմեն Սարգսյանը լավ նախադրյալ է համարում երկրի բանկային և ֆինանսատնտեսական համակարգի կայունությունը: «Ես ամեն առիթով ասում եմ, որ Հայաստանում հեղափոխություն եղավ, բայց մեր դրամն ու բանկային համակարգը անփոփոխ մնացին: Սա հսկայական առավելություն է մարդկանց գիտակցության մեջ, որ Հայաստանը կայուն տնտեսական համակարգ ունի, և, եթե Հայաստանում և՛ արժույթը, և՛ բանկային համակարգը դրամատիկ փոփոխությունների ընթացքում կայուն են մնում, հետևաբար Հայաստանին կարելի է վստահել»,- ընդգծել է հանրապետության նախագահը:
