25.06.2026 | 15:35
Իրանի հետ ցանկացած համաձայնագիր կապահովի Պարսից ծոցի դաշնակիցների անվտանգությունը. Ռուբիոն՝ Մերձավոր Արևելքում
Թուրքիայում ռազմական ուղղաթիռ է կործանվել
Քաղաքականություն
22.04.2026 | 11:28
Թուրքիայի բանակի ավիացիայի հրամանատարությանը պատկանող Boeing CH-47F Chinook բեռնատար ուղղաթիռը վթարի է ենթարկվել Անկարայի Թեմելի շրջանում ուսումնական թռիչքի ժամանակ, հայտնել է Ազգային պաշտպանության նախարարությունը։ Միջադեպի հետևանքով անձնակազմի անդամներ չեն տուժել, գրում է Turkiye today-ը։
Նախարարությունը հաստատել է վթարի փաստը՝ նշելով, որ այն վթարի է ենթարկվել «դեռևս անհայտ պատճառներով», դա կպարզվի մանրամասն հետաքննությունից հետո։ Անձնակազմի բոլոր անդամներն անվտանգ են։
Թուրքիայի զինված ուժերի կողմից շահագործվող CH-47F Chinook-երի նավատորմը ձեռք է բերվել երկու առանձին պատվերներով՝ 2011 և 2015 թվականներին։ Մատակարարումները սկսվել են 2016 թվականին և ավարտվել 2019 թվականին։ Ուղղաթիռները ծառայում են ինչպես Թուրքիայի ցամաքային զորքերի հրամանատարությանը, այնպես էլ Գլխավոր շտաբի հատուկ ավիացիոն գնդին։
Ուղղաթիռն օգտագործվում է նաև քաղաքացիական և մարդասիրական օգնության գործողություններում։
Թարգմանությունը՝ Էմմա Չոբանյանի
