18.04.2026 | 15:05
NYMEX. Թանկարժեք մետաղների գներն աճել են
Հյուսիս-հարավ ճանապարհի կարևոր հատված է վերադարձվել, 7 տարի այս խնդիրը եղել է․ Ավինյան․ ՏԵՍԱՆՅՈՒԹ
18.04.2026 | 12:12
Երևանի Բաբաջանյան-Աշտարակի խճուղի ճանապարհային հատվածում անավարտ մասի կառուցման շինարարական աշխատանքներ կիրականացվեն։ Սա Հյուսիս-հարավ ճանապարհի 270 մետր հատվածն է, որ 7 տարվա դատական գործընթացներից հետո վերադարձվել է համայնքին։
«270 մետրը թվում է, թե շատ երկար ճանապարհ չի, բայց մեծ խնդիր ենք ունեցել այդ հատվածում խցանումների և գլոբալ անհարմարության։ Սա Հյուսիս-հարավ ճանապարհի կարևորագույն հատված է, որը ավարտին է հասցնում ամբողջականությունը այդ ճանապարհի»,- ասաց Ավինյանը։
Նրա խոսքով՝ մեկուկես ամսից կսկսեն այդտեղ շինարարական աշխատանքները։
Տարածքային կառավարման և ենթակառուցվածքների նախարարի տեղակալ Քրիստինե Ղալեչյանը ներկայացրեց Աշտարակի խճուղի ճանապարհային հատվածի անավարտ մասի կառուցման շինարարական աշխատանքների և հարակից ծառայությունների գնման գործընթացների կազմակերպման առանձնահատկություններ սահմանելու մասին օրենքի նախագիծը։
Հիմնավորման մեջ գրված է, որ այդ հատվածը դատարանի կողմից կիրառված արգելանքների հետևանքով ժամանակին դուրս է բերվել շինարարական աշխատանքների պայմանագրի ծավալներից և հանգեցրել նրան, որ ճանապարհը փաստացի շահագործվում է ի սկզբանե նախագծայինի համեմատ մոտ 89 տոկոսով ավարտվածությամբ, և խնդրո առարկա հատվածի բացակայությունը ստեղծում է լուրջ տրանսպորտային և ճանապարհային անվտանգության խնդիրներ մայրաքաղաքում։
Նշված հատվածի բացակայությունը ստեղծել է ճանապարհային երթևեկության կազմակերպման և անվտանգության հետ կապված խնդիրներ, ինչպես նաև խոչընդոտել է ճանապարհային հանգույցի լիարժեք շահագործմանը։
Մանրամասները՝ տեսանյութում։
