02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Դուք թե՛ Կարապետյանից եք թույլ բազմակի անգամ, թե՛ Ծառուկյանից, էլ չասեմ Քոչարյանից․ Արծվիկ Մինասյան․ ՏԵՍԱՆՅՈՒԹ
Քաղաքականություն
17.04.2026 | 11:55
«Դուք թե՛ Սամվել Կարապետյանից եք թույլ բազմակի անգամ, թե՛ Գագիկ Ծառուկյանից եք թույլ, էլ չասեմ Ռոբերտ Քոչարյանից, էլ չասեմ բոլոր այն թեկնածուներից, որոնք որ ընդդիմության ճակատում պայքարում են ձեր դեմ»,- այս մասին հայտարարեց ԱԺ «Հայաստան» խմբակցության պատգամավոր Արծվիկ Մինասյանը։
Նա անդրադարձավ՝ իրենից առաջ ելույթ ունեցող պատգամավոր Էդուարդ Աղաջանյանի խոսույթին, որը ընդդիմադիր դաշտը (Սամվել Կարապետյան, Ռոբերտ Քոչարյան, Գագիկ Ծառուկյան) անվանեց «Պատերազմի եռագլուխ կուսակցություն»։
««Եռագլուխ» բառը երևի շփոթել եք։ Գոնե պիտի ասեիք «բազմագլուխ», որովհետև ձեզ հաջողվել է այս տարիների ընթացքում ճնշող մեծամասնություն հասարակությանը դարձնել ընդդիմադիր։ Եվ եթե այդ ճնշող մեծամասնությունը դուք հայտարարում եք, որ պատերազմի կուսակցության անդամներ են, ուրեմն փոխեք այդ թիվը, շատացրեք»,- ասաց Մինասյանը։
Մինասյանն իր ելույթում կառավարության ծրագրերի զեկույցները որակեց որպես իրար հետ կապ չունեցող փաստաթղթեր։
Արծվիկ Մինասյանը քննադատեց կառավարության վերաբերմունքը Գյումրիի և այն համայնքների նկատմամբ, որտեղ ընդդիմությունը հաղթել է։ Նա կոչ արեց հարգել ժողովրդի ընտրությունը և չվարկաբեկել տեղական ինքնակառավարման ինստիտուտը։
Իշխանության ներկայացուցիչների կողմից հնչող անձնական վիրավորանքներն էլ պատգամավորը որակեց որպես թուլության նշան՝ հայտարարելով, որ իշխանությունը բազմակի անգամ թույլ է ընդդիմադիր առաջնորդներից։
Մանրամասները՝ տեսանյութում։
