12.10.2026 | 19:46
15 ժամ ջուր չի լինի Երևանի Կենտրոն վարչական շրջանի մի շարք հասցեներում
Սեպտեմբերի տվյալներով՝ 37 հազար նոր աշխատատեղ է գրանցվել․ Նիկոլ Փաշինյան. ՏԵՍԱՆՅՈՒԹ
Հասարակություն
20.11.2018 | 12:44
ՀՀ վարչապետի պաշտոնակատար Նիկոլ Փաշինյանն այսօր՝ նոյեմբերի 20-ին, հրավիրված մամուլի ասուլիսում անդրադարձավ նախօրեին Գեղարքունիքի մարզ կատարած այցին՝ նշելով, որ այցելել է որպես կառավարության ղեկավար, և որևէ մեկը սահմանափակված չէ Գեղարքունիքի մարզ այցելել:
Անդրադառնալով ասուլիսի սկզբում արած արտահայտությանը, որ կառավարությունը կատարել է ստանձնած պարտավորությունները, Նիկոլ Փաշինյանը նշեց, որ իրենց պարտավորությունը վերաբերել է արտահերթ խորհրդարանական ընտրություններին: Ինչ վերաբերում է նոր Ընտրական օրենսգրքի ընդունմանը, ապա կառավարությունն իրենից կախված ամեն ինչ արել է, որ այն ընդունվի:
Նիկոլ Փաշինյանը անդրադարձավ նաև երկրում տիրող սոցիալական իրավիճակին՝ նշելով, որ այն պատկերացնում է այն նույն բանաձևով, որը դրված է եղել հեղափոխության հիմքում, և ցանկացած խնդիր պետք է լուծել իրար հետ երկխոսության միջոցով: «Օրինակ՝ պետական բյուջեի հետ կապված մենք հունիսին ունեցել ենք շատ քիչ աշխատավարձերի բարձրացման: Հիմա գնում ենք Հարկային օրենսգրքի փոփոխության: Պաշտոնական տվյալներով՝ Հայաստանում 37 հազար նոր աշխատող է գրանցվել վերջին վեց ամիսներին, և մենք այդ քաղաքականությունը շարունակելու ենք: Մեր ընդհանուր և ամենակարևոր խնդիրն է՝ մեր երկրի անվտանգության մակարդակի շարունակական բարձրացումը, իհարկե՝ նաև սոցիալական և աշխատանքի խրախուսումը դարձնելով մեր քաղաքականության առանցք: Մարդիկ ոչ թե որևէ բան պետք է ստանան, այլ կառավարությունից պետք է ստանան հնարավորություն՝ իրենց աշխատանքի արդյունքները վայելելու համար: Երջանկությունն այն է, երբ մարդը աշխատում է և հաճույք զգում իր աշխատանքից: Օրինակ՝ չաշխատող մարդը, որքան էլ ինչ-որ բան ստանա, իրեն երջանիկ զգալ չի կարող»,- ասաց վարչապետի պաշտոնակատարը:
Մանրամասները՝ տեսանյութում:
