16.04.2026 | 16:50
«Զվարթնոց» օդանավակայան տանող ճանապարհին հնարավոր են խցանումներ․ ուղևորներին հորդորում են նախապես պլանավորել ճանապարհը
«Հանգիստ նստի տեղդ. դասեր չտաք»․ Մինասյանը՝ Թունյանին․ ՏԵՍԱՆՅՈՒԹ
Քաղաքականություն
16.04.2026 | 13:20
«Սա այն նախագծերի փաթեթն է, որով մենք լուծում ենք մի քանի ամիս շոշափվող հարցը, երբ հարկային խախտումների համար քրեական գործեր են հարուցվում և մեր ընդդիմությունը էլի կողմ չի քվեարկում էս նախագծին»,- հերթական քվեարկությունից հետո այս մասին ԱԺ-ում ասաց Բաբկեն Թունյանը։
Նա հավելեց՝ ընդդիմություն ո՛չ առաջարկներ է հնչեցրել, որոնք որ չեն ընդունվել, ո՛չ ինչ-որ քննարկում է եղել։
Մեկ այլ նախագծին ընդդիմության կողմ քվեարկությունից հետո Թունյանը ևս մի ռեպլիկ արեց․ «Ուրախությամբ եկեք ողջունենք մեր ընդդիմությանը, որովհետև այս երկրորդ հարկային փոփոխությունների նախագիծը, որ վերաբերում էր ոսկերչության ոլորտում հարկային բեռի թեթևացմանը, կողմ քվեարկեցին, շնորհակալություն։
Ի պատասխան «Հայաստան» դաշինքի խմբակցության քարտուղար Արծվիկ Մինասյանն արձագանքեց ՔՊ-ական պատգամավորին։ Նա նշեց, որ արդեն որերորդ անգամ է «Բաբկեն Թունյանը իրեն իրավունք է վերապահում իրենց դաս տալ»։
«Պարո՛ն Թունյան, հանգիստ նստեք ձեր տեղը, ձեր քվեարկությունները կատարեք։ Մենք ունենք հիմնավորումն էլ, և այո՛, ոսկերչության վերաբերյալ այս փոփոխությունը, որ դրական է, դրա համար էլ կողմ ենք քվեարկում։ Հեքիաթներ մի՛ պատմեք»,-նշեց Միասյանը։
Նիստը վարող ԱԺ փոխնախագահ Հակոբ Արշակյանը զուսպ լինելու կոչ արեց կողմերին։
Մանրամասները՝ տեսանյութում։
