10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Ցեղասպանության հուշահամալիրի բարեկարգման աշխատանքներն ավարտական փուլում են․ նախարարը Ծիծեռնակաբերդում էր
09.04.2026 | 13:03
ԿԳՄՍ նախարարությունից հայտնում են, որ Հայոց ցեղասպանության հուշահամալիրի հիմնանորոգման և բարեկարգման աշխատանքներին հետևելու նպատակով ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր հերթական այցն է կատարել հուշահամալիր։
«Նրան ուղեկցել են ԿԳՄՍՆ գլխավոր քարտուղար Հասմիկ Հակոբյանը և ՀՑԹԻ տնօրենի ժամանակավոր պաշտոնակատար Հրաչյա Թաշչյանը։
Ցեղասպանության հուշահամալիրի նախագծի հեղինակային խմբի ճարտարապետների և կապալառու շինարարական ընկերության ներկայացուցիչները նախարարին ներկայացրել են աշխատանքների ընթացքը՝ նշելով, որ մույթների նորոգումը, ինչպես նաև ամրացման և բարեկարգման մնացած աշխատանքներն ավարտական փուլում են և ընթանում են ըստ նախագծի։ Նախարարը հերթական անգամ ընդգծել է աշխատանքների որակի ու ժամկետների պահպանման խնդիրը»,- ասված է հաղորդագրությունում։
Հիշեցնենք, որ Հայոց ցեղասպանության զոհերի հուշահամալիրում իրականացվող հիմնանորոգման աշխատանքները բողոքի ալիք են բարձրացրել։
«Բարբարոսություն է». ինչու է աղմուկ բարձրացել Ծիծեռնակաբերդի հուշահամալիրի նորոգման շուրջ․ ՏԵՍԱՆՅՈՒԹ
Նշենք նաև, որ նախարարը լրագրողների հետ զրույցում բազմիցս հավաստիացրել է, որ հուշահամալիրը պատրաստ կլինի ապրիլի 24-ին։
