22.05.2026 | 10:58
Խուզարկություն է իրականացվում Մարտուն Գրիգորյանի տանը
«Մանչեսթեր Սիթիից» հաստատել են, որ Բերնարդու Սիլվան կհեռանա
06.04.2026 | 17:12
Պորտուգալիայի հավաքականի կիսապաշտպան Բերնարդու Սիլվան այս մրցաշրջանի վերջում կհեռանա «Մանչեսթեր Սիթիից», տեղեկությունը հաստատել է անգլիական ակումբի գլխավոր մարզիչի օգնական Խոսեպ Լինդերսը։
«Ավագը եզակի է, և հնարավոր չէ նրան փոխարինել մեկ այլ խաղացողով, քանի որ նման խաղացողներ գոյություն չունեն։ Հուսով եմ՝ նա լավ ժամանակ կանցկացնի իր վերջին ամիսներին և արժանապատվորեն հրաժեշտ կտա։ Նա արժանի է այդ ամբողջ ուշադրությանը»,- մարզիչի խոսքը մեջբերում է Sky Sports-ը։
31-ամյա ֆուտբոլիստը 2017 թվականից է հանդես գալիս «Մանչեսթեր Սիթիում», որի հետ պայմանագիրը նախատեսված է մինչև այս մրցաշրջանի ավարտը։ «Մանչեսթեր Սիթիում» Բերնարդու Սիլվան անցկացրել է 450 հանդիպում, դարձել 76 գոլի, 77 ասիստի հեղինակ ու նվաճել 18 տիտղոս։ Transfermarkt-ը պորտուգալացու տրանսֆերային արժեքը գնահատում է 27 միլիոն եվրո։
