03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
ՌԴ-ում հաստատել են գեներալ-լեյտենանտ Ալեքսանդր Օտրոշչենկոյի մահը Ղրիմում՝ Ան-26 ինքնաթիռի կործանման հետևանքով
06.04.2026 | 16:51
Մուրմանսկի մարզի նահանգապետ Անդրեյ Չիբիսը հաստատել է, որ գեներալ-լեյտենանտ Ալեքսանդր Օտրոշչենկոն եղել է կործանված Ան-26 ինքնաթիռում։ Ողջ մնացածներ չկան, գրում է Meduza-ն։ Ավիավթարը եղել էր բռնակցված Ղրիմում մարտի 31-ին։
Նահանգապետը մարզային կառավարության նիստում հայտարարել է՝ Ան-26-ում է եղել Ռազմածովային ավիացիայի հրամանատար Ալեքսանդր Իվանովիչ Օտրոշչենկոն, որի հետ օրերս հանդիպել էին։ Մուրմանսկի մարզի կառավարության անդամները մեկ րոպե լռությամբ հարգել են զոհերի հիշատակը։
BBC-ի հաշվարկներով՝ գեներալ-լեյտենանտ Ալեքսանդր Օտրոշչենկոն 14-րդ ռուս գեներալն է, որը զոհվել է Ռուսաստանի և Ուկրաինայի միջև պատերազմի սկսվելուց ի վեր։
Օտրոշչենկոն Հյուսիսային նավատորմի խառը ավիացիոն կորպուսի հրամանատարն է 2024 թվականից։ Տարբեր ժամանակներում նա ղեկավարել է Սևծովյան և Հյուսիսային նավատորմերի ռազմածովային ավիացիան, ինչպես նաև Հյուսիսային նավատորմի Ռազմաօդային ուժերի 45-րդ բանակը և ՀՕՊ ուժերը։
Ան-26 ռազմատրանսպորտային ինքնաթիռը մարտի 31-ին Ղրիմում վթարի էր ենթարկվել, նախնական տվյալներով՝ տեխնիկական անսարքության պատճառով։ Ռուսական պետական գործակալությունները, հղում անելով աղբյուրներին, հայտնել էին, որ ինքնաթիռը բախվել է ժայռին։ Քննչական կոմիտեի տվյալներով՝ Ան-26-ում եղել է 30 մարդ։ Ռուսաստանի պաշտպանության նախարարությունն իր հերթին հայտնել է 29 զոհի մասին՝ անձնակազմի 7 անդամ և 22 ուղևոր։
Թարգմանությունը՝ Էմմա Չոբանյանի
