11.06.2026 | 15:02
ՌԴ-ի հետ առանց վիճաբանության մեջ մտնելու, հարցերը կքննարկենք. Փաշինյան․ ՏԵՍԱՆՅՈՒԹ
Ուկրաինական ԱԹՍ-ները հարձակվել են Կրասնոդարի մարզի վրա
Քաղաքականություն
06.04.2026 | 13:58
Նովոռոսիյսկում ուկրաինական անօդաչու թռչող սարքի հարձակման հետևանքով ութ մարդ է վիրավորվել, հայտարարել է Կրասնոդարի երկրամասի նահանգապետ Վենիամին Կոնդրատևը, Meduza-ն։
Նրա խոսքով՝ ապրիլի 5-ի առավոտից տարածաշրջանը ենթարկվել է անօդաչու թռչող սարքերի զանգվածային հարձակումների, Նովոռոսիյսկում, Անապայում, Գելենջիկում, Սոչիում և այլ քաղաքներում նախազգուշացման համակարգերը գործել են։ Կոնդրատևը Նովոռոսիյսկում իրավիճակը բնութագրել է որպես ամենածանրը։ Այնտեղ վիրավորվել է ութ մարդ, այդ թվում՝ երկու երեխա։ Բոլորը տեղափոխվել են հիվանդանոց։
Քաղաքում անօդաչու թռչող սարքերի հարձակումների հետևանքով վնասվել է վեց բնակելի շենք, երկու մասնավոր տուն: Նահանգապետը հայտարարել է, որ անօդաչու թռչող սարքերի բեկորներ են հայտնաբերվել մի քանի ձեռնարկությունների տարածքներում։
Կրասնոդարի երկրամասի օպերատիվ շտաբի տվյալներով՝ անօդաչու թռչող սարքի բեկորները հարվածել են Նովոռոսիյսկի Յուժնի քաղաքի կենտրոնական շրջանում գտնվող բնակելի շենքին։
Astra-ն, սոցիալական ցանցերում հրապարակված տեսանյութերը վերլուծելով, եզրակացրել է, որ հարձակման թիրախը Նովոռոսիյսկի Շեշխարիս նավթային տերմինալն էր։ Ռուսաստանի պաշտպանության նախարարությունը հայտնել է ուկրաինական 198 անօդաչու թռչող սարքի խոցման մասին։
Թարգմանությունը`Էմմա Չոբանյանի
