27.07.2026 | 19:08
Մ-17 ԱԱ․ Արարատ Ավետիսյանը և Վազգեն Մնացականյանը բրոնզե մեդալի համար կգոտեմարտեն Բաքվում
Մոսկվան չի բանակցում. Զախարովան՝ Հայաստանի երկաթուղու կոնցեսիոն կառավարումը Ղազախստանին փոխանցելու մասին
Քաղաքականություն
01.04.2026 | 17:42
ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցում անդրադարձել է ՀՀ վարչապետ Նիկոլ Փաշինյանի հայտարարությանը, որ դիտարկվում է երկաթուղու կառավարումը Ռուսաստանից Ղազախստանին փոխանցելու հարցը։
Նա հիշերցրել է ՌԴ տրանսպորտի նախարար Անդրեյ Նիկիտինի հայտարարությունը, որ Մոսկվան չի բանակցում Երևանի և Աստանայի hետ երկաթուղիների կոնցեսիոն կառավարումը Ղազախստանին փոխանցելու հարցը:
«Ես նաև կցանկանայի հիշեցնել, որ «Ռուսական երկաթուղիներ» ընկերության հետ 2008 թվականին կնքված կոնցեսիոն պայմանագրի ժամկետը 30 տարի է՝ ևս 10 տարով երկարաձգման հնարավորությամբ։ Արդեն երկար տարիներ «Հարավկովկասյան երկաթուղիներ» ԲԲԸ-ն պատասխանատու կերպով կատարում է այս պայմանագրի պայմանները, ռուսական ներդրումները կազմել են ավելի քան 30 մլրդ ռուբլի»,- հայտարարել է Զախարովան։
Ինչ վերաբերում է բարձր մակարդակի բանակցություններին, ըստ ՌԴ ԱԳՆ ներկայացուցչի՝ դա մեկնաբանում է նախագահի աշխատակազմը։
Հիշեցնենք, որ Նիկոլ Փաշինյանը Մոսկվայում է, որտեղ բանակցություններ կանցկացնի ՌԴ նախագահ Վլադիմիր Պուտինի հետ։
Թարգմանությունը՝ Էմմա Չոբանյանի
