27.10.2026 | 11:48
Անհետ կորածների որոնման համար միջազգային հանձնաժողովը նոր ֆինանսական աջակցություն կտրամադրի ՀՀ-ին․ ՏԵՍԱՆՅՈՒԹ
Թուրքիայում չեզոքացվել է օդային տարածք արձակված իրանական չորրորդ բալիստիկ հրթիռը
Քաղաքականություն
30.03.2026 | 21:44
Թուրքիայի Պաշտպանության նախարարությունը հայտարարել է, որ երկուշաբթի Իրանից արձակված հրթիռներ են որսացել երկրի օդային տարածքում։
«Իրանից արձակված և Թուրքիայի օդային տարածք մտած բալիստիկ զինամթերքը չեզոքացվել է Արևելյան Միջերկրական ծովում տեղակայված ՆԱՏՕ-ի օդային և հրթիռային պաշտպանության միջոցների կողմից»,- ասվում է նախարարության հայտարարության մեջ։
Նշվում է, որ երկրի տարածքին, այդ թվում՝ օդային տարածքին ուղղված ցանկացած սպառնալիքի դեմ ձեռնարկվում են բոլոր միջոցները, տարածաշրջանում տեղի ունեցող բոլոր զարգացումներին ուշադիր հետևում են՝ առաջնահերթություն տալով երկրի ազգային անվտանգությանը։
Սա իրանական հրթիռների հետ կապված չորրորդ միջադեպն է փետրվարի 28-ին Իրանի դեմ պատերազմի սկսվելուց ի վեր։
Հավելենք, որ ավելի վաղ ՆԱՏՕ-ն Թուրքիայի Ինջիրլիք ավիաբազայում լրացուցիչ Patriot համակարգեր էր տեղակայել` իրանական հրթիռների արձակման ֆոնին։
Թարգմանությունը՝ Էմմա Չոբանյանի
