ՆԱՏՕ-ն Թուրքիայի Ինջիրլիք ավիաբազայում լրացուցիչ Patriot համակարգեր է տեղակայել

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Թուրքիայի պաշտպանության նախարարության խոսնակ, կոնտր-ադմիրալ Զեքի Աքթյուրքը հայտարարել է, որ Գերմանիայի Ռամշտայն քաղաքում գտնվող դաշնակիցների ռազմաօդային հրամանատարության (AIRCOM) կողմից Ադանայի Ինջիրլիք ավիաբազայում տեղակայվում է երկրորդ Patriot հակաօդային պաշտպանության համակարգը՝ այնտեղ արդեն տեղակայված իսպանական Patriot-ին զուգահեռ, գրում է Turkiye today-ը։

Սա տեղի է ունենում մարտի 13-ին Իրանի կողմից Թուրքիայի օդային տարածք արձակված բալիստիկ հրթիռից հետո։ Նախարարության ամենշաբաթյա ճեպազրույցը տեղի է ունեցել Ինջիրլիքի ռազմաօդային ուժերի հրամանատարության 10-րդ գլխավոր ավիաբազայում։

Patriot-ը շարժական հակաօդային պաշտպանության համակարգ է, որը նախատեսված է մարտավարական բալիստիկ հրթիռների, ցածր թռչող թևավոր հրթիռների և ինքնաթիռների դեմ որսալու համար։ ԱՄՆ բանակի տվյալների համաձայն՝ PAC-2 տարբերակը կարող է որսալ մինչև 70 կիլոմետր (43.5 մղոն)՝ ինքնաթիռների և թևավոր հրթիռների դեմ, մինչդեռ PAC-3-ը՝ բալիստիկ հրթիռների դեմ 20-ից 35 կիլոմետր։

Զեքի Աքթյուրքը հաստատել է, որ Իրանից արձակված և մարտի 13-ին Թուրքիայի օդային տարածք մտած բալիստիկ զինամթերքը չեզոքացվել է Արևելյան Միջերկրական ծովում գտնվող ՆԱՏՕ-ի օդային և հրթիռային պաշտպանության միջոցների կողմից։

«Մեր օդային տարածքի և քաղաքացիների անվտանգությունն ապահովելու համար, ազգային մակարդակի միջոցառումներից բացի, Գերմանիայի Ռամշտայն քաղաքում գտնվող դաշնակիցների օդային հրամանատարության կողմից հատկացված Patriot համակարգը տեղակայվում է Ադանայում՝ այնտեղ արդեն տեղակայված իսպանական Patriot համակարգին զուգահեռ»,- ասել է նա։

Նոր տեղակայումը նշանակում է, որ Ադանայում կտեղակայվեն ՆԱՏՕ-ի Patriot-ի երկու մարտկոց՝ իր առկա թուրքական օդային պաշտպանության միջոցների հետ մեկտեղ։ Մալաթիայում նախկինում տեղակայվել է Patriot-ի երրորդ համակարգը։

Աքթյուրքն ասել է, որ համապատասխան երկրի հետ շփումները շարունակվում են՝ միջադեպի բոլոր կողմերը պարզաբանելու համար, և որ «մեր ազգային անվտանգությանը սպառնացող ցանկացած սպառնալիքի դեմ ձեռնարկվում են բոլոր անհրաժեշտ միջոցները վճռականորեն»։

Մարտի 13-ի խափանումը պատերազմի սկսվելուց ի վեր իրանական հրթիռների Թուրքիայի օդային տարածք մուտք գործելու երրորդ դեպքն էր՝ մարտի 4-ին Հաթայում և մարտի 9-ին Գազիանթեփում և Դիարբեքիրում միջադեպերից հետո։

Թուրքիայի ՊՆ-ն անդրադարձել է նաև Հորմուզի նեղուցի իրավիճակին՝ այն անվանելով «ռազմավարական նշանակության գլոբալ էներգետիկ մատակարարման անվտանգության և միջազգային ծովային առևտրի շարունակականության համար»։

«Տարածաշրջանում նավարկության ազատության պահպանումը և սրման կանխումը մեծ նշանակություն ունեն։ Թուրքիան գնահատում է զարգացումները տարածաշրջանային խաղաղության և կայունության տեսանկյունից և վերահաստատում է բոլոր կողմերին ուղղված իր կոչը՝ չափավորության և միջազգային իրավունքի պահպանման»,- ասել է նախարարության խոսնակը։

Աքթյուրքը նաև քննադատել է Իսրայելի ցամաքային գործողությունը և ավիահարվածները Լիբանանում՝ ասելով, որ դրանք «խորացնում են տարածաշրջանային անկայունությունը» և «լուրջ խախտում են միջազգային և մարդասիրական իրավունքը»։ Նա վերահաստատել է Թուրքիայի աջակցությունը Լիբանանի ինքնիշխանությանը և տարածքային ամբողջականությանը։ Ըստ նրա՝ Իսրայելը շարունակում է խախտել Գազայի հրադադարը և ճնշում է գործադրում Արևմտյան ափի վրա, այդ թվում՝ արգելափակելով մուսուլմանների աղոթքի իրավունքը սրբազան Ռամադան ամսվա ընթացքում։

Թարգմանությունը՝ Էմմա Չոբանյանի