14.07.2026 | 16:05
«Ալաշկերտը» մեկնեց Ղազախստան․ ՏԵՍԱՆՅՈՒԹ
Եզդիների թիվը նվազել է, ռուսներինը՝ աճել. ՀՀ-ում բնակվող ազգային փոքրամասնությունների հետ կապված պատկերը
27.03.2026 | 20:13
Նկարը գեներացված է արհեստական բանականությամբ։
Վիճակագրական կոմիտեն ներկայացրել է 2022թ. մարդահամարի արդյունքներով ամփոփված ՀՀ-ում առավել մեծ թվով մշտական բնակչություն ունեցող առաջին չորս ազգային փոքրամասնությունների վերաբերյալ տվյալները:
Առաջին չորս ազգային փոքրամասնությունները՝
- Եզդի- 31․079,
- Ռուս- 14․076,
- Ասորի- 2․755,
- Քուրդ- 1․663։
Նշվում է, որ 2022թ. մարդահամարի արդյունքներով թվով 545 անձ հրաժարվել են պատասխանել մարդահամարի հարցաթերթով նախատեսված իրենց ազգությանը վերաբերող հարցին:
2011 թվականի մարդահամարի տվյալներով Հայաստանի Հանրապետությունում առավել մեծ թվով մշտական բնակչություն ունեցող առաջին չորս ազգային փոքրամասնություններն են՝
- Եզդի- 35․308,
- Ռուս- 11․911,
- Ասորի- 2․769,
- Քուրդ 2․162։
Տվյալների վերլուծությունից երևում է՝ Հայաստանի ամենամեծ ազգային փոքրամասնությունը՝ եզդիները, թվաքանակի լուրջ անկում են ունեցել։ 11 տարվա ընթացքում նրանց թիվը նվազել է 4,229-ով (մոտ 12%)։ Ներկայացվածներից միակ խումբը, որի թիվն աճել է, ռուսներն են՝ 11,911-ից դառնալով 14,076։ Ասորիների թիվը գրեթե անփոփոխ է մնացել։ Քրդերի թիվը նույնպես նվազել է (499 հոգով)։
Եվգենյա Համբարձումյան
