07.09.2026 | 22:10
Հայտնի է՝ ով կքննի Գարեգին Բ-ի գործը․ Վճռաբեկը հրապարակել է որոշումը. ՏԵՍԱՆՅՈՒԹ
Վերջին օրերին մեր ընդդիմադիր խմբակները «երաշխավորացավ» են կպել․ Միրզոյան․ ՏԵՍԱՆՅՈՒԹ
Քաղաքականություն
25.03.2026 | 17:31
ԱԺ-Կառավարություն հարցուպատասխանի ժամանակ ԱԳ նախարար Արարատ Միզրոյանն անդրադարձել է ընդդիմադիր ուժերի կողմից խաղաղության երաշխավորների անհրաժեշտության վերաբերյալ պնդումներին։
«Այս վերջին օրերին մեր ընդդիմադիր խմբակները երաշխավորացավ են կպել։ Դրանից երևի երկու շաբաթ առաջ և էդպես մի երկու, երեք, չորս տարի շարունակ ընդհանրապես խաղաղությունը չէին ընդունում, չէ՞։ Հիմա էլ ունեն նարատիվներ, այդ թվում երևի և Ղարաբաղ հետ բերելու և այլնի մասին, որոնք ուղղակի հակասում են խաղաղությանը։ Հիմա նոր բան են սկսել ասել, տենց նրբերանգ է մտել այս վերջին օրերին, նոր բան են մտածել՝ խաղաղություն, բայց երաշխավորով, երաշխավորված։ Հնարավորություն ենք ունեցել ասելու, որ երաշխավորներն առհասարակ, եկեք խոստովանենք, հետապնդում են իրենց շահը։ Սառը հաշվարկների աշխարհում, միջազգային հարաբերություններում ոչ մեկը ոչ մեկի սիրուն աչքերի համար չի գնում երաշխավորություն անում, և նաև իր զինվորների արյունը չի թափում, իր ծախսերը չի անում»,- ասաց նախարարը։
Արարատ Միրզոյանի խոսքով՝ կան տասնյակներով երաշխավորված, ստորագրված և կնքված խաղաղություններ, որոնք հետո խախտվել են շատ հեշտությամբ։
«Ընդ որում, խախտվել են երբեմն երաշխավորների կողմից, ինչը, իր հերթին, նորից ապացուցում է, որ երաշխավորներն էդտեղ սիրուն աչքերի համար չի, որ գնում են, այլ հետապնդում են իրենց սեփական շահերը»,- ասաց Միրզոյանը։
Մանրամասները՝ տեսանյութում։
