13.05.2026 | 19:20
Թրամփը հայտարարել է՝ Իրանի միջուկային ծրագրի դադարեցումն ավելի կարևոր է ամերիկացիների ֆինանսական դժվարություններին
Ցուցակները հնարավոր է փոփոխվեն․ Համբարձում Մաթևոսյանը՝ 50-յակում չլինելու մասին․ ՏԵՍԱՆՅՈՒԹ
Քաղաքականություն
19.03.2026 | 18:44
Շրջակա միջավայրի նախարար Համբարձում Մաթևոսյանը ՔՊ ցուցակի 50-յակում չհայտնվելը մեկնաբանում է իր աշխատանքի ծանրաբեռնվածությամբ։
«Կարծում եմ՝ առողջ մրցակցություն էր։ Գիտեք, որ ես վերջին շրջանում, ցավոք սրտի, Հանրապետությունում շատ քիչ եմ եղել։ Որպես COP17-ի նախագահող՝ ստիպված եմ նաև այցեր ունենալ տարբեր երկրներ, որպեսզի նիստեր անցկացնեմ։ Հնարավորություն չէի ունեցել, որպեսզի գործընկերներիս ներկայացնեի իմ պատկերացումները, այսինքն՝ մարզային այցերին, խորհրդի նիստերին, կուսակցության խորհրդի նիստերին շատ քիչ էի մասնակցում։ Ես կարծում եմ՝ ամեն ինչ լավ էր, ամեն ինչ նորմալ էր։ Համենայն դեպս, սա այնպես էր, ինչպես ես սպասում էի»,- ասաց Մաթևոսյանը։
ՔՊ-ականը նաև նշեց, որ մինչև ընտրությունները հնարավոր են որոշակի փոփոխություններ՝ կապված այլ թեկնածուների տեղափոխությունների հետ։
Նախարարը հավելեց, որ առաջիկայում ստանձնելու է նաև Նագոյայի պրոտոկոլի և արձանագրությունների կոմիտեի նախագահությունը։
Մանրամասները տեսանյութում։
