15.04.2026 | 23:15
Մրգաշենում սպանություն կատարած եղբայրները կալանավորվել են. ՔԿ
Ասեք՝ որտե՞ղ է աշխատում Ձեր հայրը․ Հասմիկ Հակոբյանը՝ Աննա Գրիգորյանին․ ՏԵՍԱՆՅՈՒԹ
Քաղաքականություն
05.03.2026 | 12:53
ՔՊ խմբակցության պատգամավոր Հասմիկ Հակոբյանը խորհրդարանում անդրադարձավ նախկին իշխանությունների շրջանում կոռուպցիայի վերաբերյալ քննադատություններին և հայտարարեց, որ այդ տարիներին Հայաստանում գործել է «կոռուպցիոն օլիգարխիկ համակարգ»։
«Այսօր բազմաթիվ գործերով քննություն է իրականացվում կոռուպցիայի մեղադրանքներով։ Կան մեղադրական եզրակացություններ, կան այդ գործերով անցնող նախկին պաշտոնյաներ, որոնք թռած են Հայաստանի Հանրապետությունից, էսօր էլ հայտ են ներկայացնում ձեր էդ օլիգարխիկ իշխանությունը վերականգնելու։ Կան նաև դատարանում փլված գործեր, ու սա էլ խոսում է անկախ դատական համակարգի մասին։ Բայց անգամ մեկ փլված գործով, օրինակ, գոնե մեկ քաղաքացու մոտ չի առաջանում կասկած՝ արդյոք Հայաստանի Հանրապետությունում եղել է կոռուպցիոն իշխանություն և համակարգային կոռուպցիա։ Բոլորը 100 տոկոսով գիտեն, որ այո՛, կոռուպցիոն օլիգարխիկ իշխանություն եղել է։ Որովհետև Հայաստանում բիզնեսի առաջխաղացումը կախված էր քաղաքական կապերից»,- ասաց Հակոբյանը։
Ելույթի վերջում Հակոբյանը անդրադարձավ նաև ընդդիմադիր պատգամավոր Աննա Գրիգորյանի հայտարարություններին՝ կոչ անելով պարզաբանել, թե որտեղ է աշխատում իր հայրը։
«Քանի որ տիկին Աննա Գրիգորյանը ինձանից հետո է խոսելու, երբ տարբեր եթերներում ասում եք, որ Ձեր քաղաքական հայացքների համար Ձեր բարեկամներին գործից հանում են, կխնդրեմ՝ Ձեր ելույթում անդրադառնալ՝ որտե՞ղ է աշխատում ձեր հայրը»,- ասաց Հակոբյանը։
Հիշեցնենք, որ «Հայաստան» խմբակցության պատգամավոր Աննա Գրիգորյանը Factor TV-ի եթերում հայտարարել էր, որ իր գործունեության պատճառով 18 տարի ծառայած սպայի կոչումով հարազատ եղբորը հեռացրել են աշխատանքից։
Մանրամասները՝ տեսանյութում։
