15.04.2026 | 23:15
Մրգաշենում սպանություն կատարած եղբայրները կալանավորվել են. ՔԿ
Ռոբերտ Քոչարյանը ոչինչ չուներ մինչև ՀՀ գալը, ինչո՞ւ են ազատության մեջ․ Անդրանիկ Քոչարյան․ ՏԵՍԱՆՅՈՒԹ
Քաղաքականություն
05.03.2026 | 12:49
Ազգային ժողովում Հակակոռուպցիոն կոմիտեի տարեկան հաղորդման քննարկման ժամանակ «Քաղաքացիական պայմանագիր» խմբակցության պատգամավոր Անդրանիկ Քոչարյանն անդրադարձավ Հայաստանում կոռուպցիային՝ այն կապելով նաև 1999 թվականի հոկտեմբերի 27-ի իրադարձությունների հետ։
Քոչարյանը ելույթը սկսեց՝ հիշելով Վազգեն Սարգսյանի ծննդյան օրը, նշելով, որ Վազգեն Սարգսյանի ու Կարեն Դեմիրճյանի միասնության հիմքում երկրում առկա կոռուպցիոն իրավիճակն էր։
«Մեկ տարի առաջ Վազգեն Սարգսյանը մասնակցել էր Ռոբերտ Քոչարյանին իշխանության բերելու գործընթացին, մեկ տարի հետո Կարեն Դեմիրճյանի հետ միավորվեցին՝ երկիրը փրկելու հարցի շուրջ։ Դա ավարտվեց հոկտեմբերի 27-ով։ Հոկտեմբերի 27-ից հետո երկիրը թևակոխեց համակարգված կոռուպցիայի դաշտ»,- ասաց իշխանական պատգամավորը։
Քոչարյանը նաև անդրադարձավ նախկին նախագահ Ռոբերտ Քոչարյանի ունեցվածքին՝ պնդելով, որ վերջինս մինչև իշխանության գալը զգալի գույք չի ունեցել։
«Ռոբերտ Քոչարյանը մինչև Հայաստան գալը ոչինչ չուներ։ Բոլորը հիշում էին այդ դեղին «Զապորոժեցը»։ Հիմա բանկերից միլիարդներ են հանում, և հարց է առաջանում՝ որտեղի՞ց են գոյացել այդ միջոցները»,- ասաց Քոչարյանը։
Մանրամասները՝ տեսանյութում։
