27.10.2026 | 23:04
Շիկահողի արգելոցը վտանգված է ադրբեջանցիների կողմից. բնապահպան. ՏԵՍԱՆՅՈՒԹ
Ռուսական կողմի հետ քննարկվել են «Գյումրի–Ախուրիկ–Թուրքիայի սահման» և «Երասխ–Նախիջևանի սահման» երկաթուղային ենթակառուցվածքների վերականգնման ծրագրերը
Քաղաքականություն
27.02.2026 | 18:48
ՀՀ ՏԿԵ նախարարի տեղակալ Արմեն Սիմոնյանը ՌԴ տրանսպորտի նախարարի տեղակալ Դմիտրի Զվերևի գլխավորած պատվիրակության հետ հանդիպմանը քննարկել է «Գյումրի–Ախուրիկ–Թուրքիայի սահման» և «Երասխ–Նախիջևանի սահման» երկաթուղային ենթակառուցվածքների վերականգնման և շինարարության ծրագրերը, ինչպես նաև ավտոմոբիլային և օդային փոխադրումների ոլորտներում համագործակցությունը՝ պայմանավորվելով շարունակել քննարկումները։ Այս մասին տեղեկացնում են ՀՀ ՏԿԵ նախարարությունից։
«Հանդիպման ընթացքում քննարկվել են «Գյումրի-Ախուրիկ-Թուրքիայի Հանրապետության սահման» և «Երասխ-Ադրբեջանի Հանրապետության Նախիջևանի Ինքնավար Հանրապետության սահման» երկաթուղային ենթակառուցվածքների վերականգնման և շինարարության հետ կապված հարցերը։
Անդրադարձ է կատարվել նաև ավտոմոբիլային տրանսպորտի և օդային փոխադրումների ոլորտներում համագործակցության ներկա մակարդակին։
Պայմանավորվածություն է ձեռք բերվել քննարկումները շարունակելու վերաբերյալ»,- ասվում է հաղորդագրությունում։
