16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Զելենսկին Ֆիցոյին հրավիրել է Ուկրաինա՝ «Դրուժբայի» նավթամուղի շուրջ ստեղծված իրավիճակի ֆոնին
Քաղաքականություն
27.02.2026 | 19:14
Ուկրաինայի նախագահ Վլադիմիր Զելենսկին հեռախոսազրույց է ունեցել Սլովակիայի վարչապետ Ռոբերտ Ֆիցոյի հետ և հրավիրել նրան Ուկրաինա՝ քննարկելու «բոլոր առկա խնդիրները»։ Այս մասին հայտարարություն է տարածել Զելենսկու գրասենյակը, գրում է BBC-ի ռուսական ծառայությունը։
Ֆիցոն և Հունգարիայի վարչապետ Վիկտոր Օրբանը մեղադրում են Ուկրաինայի կառավարությանը «Դրուժբա» խողովակաշարի վերանորոգման աշխատանքները խափանելու մեջ, որի պատճառով հունվարի վերջին դադարեցվել էին Հունգարիա և Սլովակիա մատակարարումները: Կիևը պնդում էր, որ խողովակաշարը վնասվել է ռուսական հարվածի հետևանքով։
Ֆիցոն և Օրբանը առաջարկում են ստեղծել համատեղ տեսչական խումբ «Դրուժբա» խողովակաշարի տեխնիկական վիճակը գնահատելու համար: Սլովակիայի կառավարության ղեկավարը հայտարարել էր Զելենսկիի հետ խոսելու իր մտադրության մասին։
Նախօրեին Օրբանը բաց նամակ էր հղել Զելենսկիին՝ պահանջելով բացել «Դրուժբա» խողովակաշարը, որը ռուսական նավթ է մատակարարում Հունգարիային և Սլովակիային։
Թարգմանությունը՝ Էմմա Չոբանյանի
