Օրբանը պահանջել է Զելենսկիից անհապաղ բացել «Դրուժբա» նավթամուղը

Լուրեր

22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
Բոլորը

Հունգարիայի վարչապետ Վիկտոր Օրբանը բաց նամակ է հղել Ուկրաինայի նախագահ Վլադիմիր Զելենսկիին՝ պահանջելով բացել «Դրուժբա» խողովակաշարը, որը ռուսական նավթ է մատակարարում Հունգարիային և Սլովակիային, գրում է Meduza-ն։

«Չորս տարի շարունակ դուք չեք կարող ընդունել ինքնիշխան հունգարական կառավարության և հունգար ժողովրդի դիրքորոշումը ռուս-ուկրաինական պատերազմի վերաբերյալ։ Չորս տարի շարունակ դուք աշխատում եք Հունգարիան ներքաշել ձեր և Ռուսաստանի միջև պատերազմի մեջ», – գրել է Օրբանը սոցիալական ցանցերի իր էջերում հրապարակված նամակում։

Նա պնդում է, որ Զելենսկին, «Հունգարիան պատերազմի մեջ ներքաշելու» իր փորձերում, «ստացել է Բրյուսելի աջակցությունը» և «իր կողմը գայթակղել հունգարական ընդդիմությանը», որի հետ նա ցանկանում է «Հունգարիայում իշխանության բերել ուկրաինամետ կառավարություն»։

«Վերջին օրերին դուք փակեցիք «Դրուժբա» նավթամուղը, որը կարևոր է Հունգարիայի էներգամատակարարման համար: Ձեր գործողությունները հակասում են Հունգարիայի շահերին և սպառնում են հունգարական ընտանիքների անվտանգ և մատչելի էներգամատակարարմանը: Հետևաբար, ես կոչ եմ անում ձեզ փոխել ձեր հակահունգարական քաղաքականությունը: Մենք՝ հունգարացիներս, մեղավոր չենք Ուկրաինայի ներկայիս իրավիճակի համար: Մենք համակրում ենք ուկրաինացի ժողովրդին, բայց չենք ցանկանում մասնակցել պատերազմին: Մենք չենք ցանկանում ֆինանսավորել ռազմական գործողություններ և չենք ցանկանում ավելի շատ վճարել էլեկտրաէներգիայի համար»,-նշել է նա:

Օրբանը կոչ է  արել Զելենսկիին «անհապաղ բացել» «Դրուժբա» նավթամուղը և «զերծ մնալ Հունգարիայի էներգետիկ անվտանգությանը սպառնացող հետագա գործողություններից»։

Ռուսական նավթի տարանցումը դեպի Սլովակիա և Հունգարիա «Դրուժբա» խողովակաշարով ընդհատված է հունվարի 27-ից՝ ըստ Կիևի՝ Լվովի մարզում գտնվող խողովակաշարի օբյեկտներից մեկի վրա ռուսական անօդաչու թռչող սարքի հարվածի պատճառով։ Հունգարիան և Սլովակիան մեղադրում են Ուկրաինային «թշնամական գործողությունների» մեջ,  Բուդապեշտը նաև արգելափակել է պատերազմի չորրորդ տարելիցի կապակցությամբ Ռուսաստանի դեմ նախատեսված ԵՄ 20-րդ պատժամիջոցների փաթեթը և Կիևին 90 միլիարդ եվրոյի վարկը։

Եվրոպական հանձնաժողովի նախագահ Ուրսուլա ֆոն դեր Լեյենը դատապարտել է խողովակաշարի վրա հարձակումը և խնդրել Ուկրաինային արագացնել դրա վերանորոգումը: Սլովակիայի էկոնոմիկայի նախարարությունը հայտարարել է, որ Ուկրաինայից ծանուցում է ստացել այն մասին, որ  մատակարարումների վերսկսումը հետաձգվել է մինչև փետրվարի 26-ը, սակայն աղբյուրը ՌԲԿ-Ուկրաինային հայտնել է, որ այդ տեղեկատվությունը «չի համապատասխանում իրականությանը»:

Թարգմանությունը՝ Էմմա Չոբանյանի