16.05.2026 | 18:39
Երևանի 2 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Զախարովան արձագանքել է AZAL-ի ինքնաթիռի վթարի վերաբերյալ Բայրամովի հայտարարություններին
Քաղաքականություն
26.02.2026 | 22:58
Ռուսաստանը հետևողականորեն աշխատում է «Ադրբեջանական ավիաուղիներ» (AZAL) ավիաընկերության ինքնաթիռի կործանման հետ կապված երկու երկրների առաջնորդների միջև ձեռք բերված բոլոր պայմանավորվածությունների կատարման ուղղությամբ։
Այս մասին այսօրվա ճեպազրույցում հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան՝ պատասխանելով Ադրբեջանի ԱԳ նախարար Ջեյհուն Բայրամովի հայտարարություններին։
«Ռուսաստանի և Ադրբեջանի ղեկավարները մանրամասն քննարկել են ինքնաթիռի վթարը անցյալ տարվա հոկտեմբերի 9-ին Դուշանբեում տեղի ունեցած հանդիպման ժամանակ։ Ռուսական կողմը մանրամասն բացատրություններ է տվել, և մենք հետևողականորեն աշխատում ենք բոլոր ձեռք բերված պայմանավորվածությունները կյանքի կոչելու ուղղությամբ՝ պարբերաբար տեղեկացնելով մեր ադրբեջանցի գործընկերներին այս մասին ինչպես դիվանագիտական, այնպես էլ կառավարական ուղիներով», – ասել է Զախարովան։
Նա նշել է, որ կողմերը նպատակ ունեն լուծել ավիավթարի համատեքստում առկա բոլոր չլուծված հարցերը։
Բայրամովն այսօր ավելի վաղ հայտարարել էր, ինքնաթիռի խոցումը տեղի է ունեցել Ռուսաստանի պաշտպանության նախարարության կողմից թույլ տրված սխալի պատճառով, և դա պետք է ենթադրի համապատասխան միջոցառումների ընդունում, իրավական գնահատական և փոխհատուցում։
Թարգմանությունը` Էմմա Չոբանյանի
