27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
AZAL-ի ինքնաթիռը խոցվել է Ռուսաստանի ՊՆ-ի սխալի պատճառով. Բայրամով
Քաղաքականություն
26.02.2026 | 14:54
«Մենք ամենաբարձր մակարդակով հայտարարել ենք, որ AZAL ինքնաթիռի վթարի վերաբերյալ Ադրբեջանի դիրքորոշումն անսասան է և միանշանակ»,- այս մասին լրագրողներին ասել է ԱԳ նախարար Ջեյհուն Բայրամովը։ Նա նշել է, որ ակնկալվում է՝ կհաստատվի Ռուսաստանի նախագահի կողմից անցյալ տարվա հոկտեմբերին Ադրբեջանի նախագահի հետ հանդիպման ժամանակ արտահայտված մոտեցումը։
«Մենք կարծում ենք, որ Ռուսաստանի ղեկավարի կողմից անցյալ տարվա հոկտեմբերին նախագահ Իլհամ Ալիևի հետ հանդիպման ժամանակ արտահայտված մոտեցումը պետք է հաստատվի։ Հարցն այն է, որ ինքնաթիռի խոցումը տեղի է ունեցել Ռուսաստանի պաշտպանության նախարարության կողմից թույլ տրված սխալի պատճառով, և դա պետք է ենթադրի համապատասխան միջոցառումների ընդունում, իրավական գնահատական և փոխհատուցում։ Սա հենց այն է, ինչ մենք ակնկալում ենք»,- հայտարարել է Բայրամովը։
Հիշեցնենք, որ 2024 թվականի դեկտեմբերի 25-ին Ղազախստանի Ակտաու քաղաքի մոտակայքում վթարի էր ենթարկվել «Ադրբեջանական ավիաուղիների»՝ AZAL-ի J2-8243 չվերթի Embraer 190AR ուղևորատար օդանավը։ Դրանում եղել էր 67 մարդ՝ 62 ուղևոր և անձնակազմի 5 անդամ։ Վթարի հետևանքով զոհվել էր 38 մարդ, 29-ը՝ ողջ մնացել։ Աղետի պատճառը, ըստ ադրբեջանական կողմի, ռուսական հակաօդային հրթիռային հարվածն է եղել։
Թարգմանությունը՝ Էմմա Չոբանյանի
