27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Ուկրաինայի ուղղությամբ արձակվել է գրեթե 300 հարվածային դրոն․ Զելենսկի
Քաղաքականություն
22.02.2026 | 16:38
Փետրվարի 22-ի գիշերը Ուկրաինայի ուղղությամբ արձակվել է գրեթե 300 հարվածային դրոն, որոնց մեծ մասը՝ Shahed տեսակի, ինչպես նաև շուրջ 50 տարբեր տիպի հրթիռ։ Դրանց զգալի մասը եղել է բալիստիկ։ Այդ մասին Telegram-ում գրել է Ուկրաինայի նախագահ Վլադիմիր Զելենսկին։
Նրա խոսքով՝ հարվածներ են հասցվել Կիևին և շրջանին, Դնեպրոպետրովսկի, Կիրովոգրադի, Նիկոլաևի, Օդեսայի, Պոլտավայի և Սումիի մարզերին։
Զելենսկին հայտնել է, որ Կիևի մարզի արևմուտքում՝ Ֆաստովի շրջանում, հարվածի հետևանքով մեկ մարդ զոհվել է, ութը՝ վիրավորվել, այդ թվում՝ մեկ երեխա։ Հարվածների հիմնական թիրախը եղել է էներգետիկ ենթակառուցվածքը․ վնասներ են հասցվել նաև բնակելի տներին, կան երկաթուղու վնասումներ։
«Միայն այս շաբաթ Ռուսաստանը Ուկրաինայի դեմ կիրառել է ավելի քան 1300 հարվածային դրոն, ավելի քան 1400 կառավարվող ավիառումբ և 96 տարբեր տիպի հրթիռ, այդ թվում՝ տասնյակ բալիստիկ»,-նշել է Զելենսկին՝ հավելելով, որ Մոսկվան շարունակում է ավելի շատ ներդնել Ուկրաինայի դեմ հարվածներում, քան դիվանագիտության մեջ։
