02.07.2026 | 14:34
770 դրամ ելակի, 275 դրամ լոլիկի և 400 դրամ չերի լոլիկի յուրաքանչյուր կգ-ի արտահանման համար
Ինձ գործակալ լինելու մեջ մեղադրում է մեկը, ում խմբակում գործակալ կա. Բագրատ արքեպիսկոպոս Գալստանյան․ ՏԵՍԱՆՅՈՒԹ
Հասարակություն
12.02.2026 | 18:29
«Սրբազան պայքար» շարժման առաջնորդ Բագրատ արքեպիսկոպոս Գալստանյանն այսօրվա դատական նիստին անդրադարձավ բարձրաստիճան պաշտոնատար անձանց՝ իրենց գործի վերաբերյալ արված հայտարարություններին:
Նա ասաց, որ իրենց գործի մասին միջազգային հարթակներում խոսում է մի անձ, որը հանրությանը հայտնի է «միայն մարդկանց վրա թքելով»: Գալստանյանը, ըստ ամենայնի, ակնարկում էր ԱԺ նախագահ Ալեն Սիմոնյանին։
Գալստանյանն անդրադարձավ նաև Նիկոլ Փաշինյանի՝ օրեր առաջ Հանրային հեռուստաընկերությանը տված հարցազրույցին ու նշեց, որ իրենց շարժումը համեմատվել էր ծայրահեղ իսլամիստների հետ:
«Ինձ գործակալ լինելու մեջ մեղադրում է մեկը, ում խմբակում անուն, ազգանունով գործակալ կա, ու դա չի հերքվել»,- ասաց Բագրատ արքեպիսկոպոս Գալստանյանը:
Նա նշեց նաև, որ դատարանն իրենց՝ մեղադրյալներին ու պաշտպաններին պարբերաբար հորդորում է քաղաքական տեքստեր չասել:
«Եթե իրավական տեքստ չկա ասելու, բա ի՞նչ անենք»,- ասաց Գալստանյանը՝ նկատի ունենալով, որ իրենք քաղաքական դրդապատճառներով են հայտնվել մեղադրյալի կարգավիճակում:
Մանրամասները՝ տեսանյութում։
