Սրճարան եմ այցելում, որը, ասում են, դաշնակներինն է․ մատուցողները մինչև վերջերս սիրով էին ընդունում․ Հակոբ Մովսես․ ՏԵՍԱՆՅՈՒԹ

«Հայ ժողովուրդը 60 տարի գրկաբաց սպասել է Դաշնակցությանը»,- ԱԺ-ում ՀՌՀ անդամ Հակոբ Հակոբյանն այսպես է արձագանքել իր հասցեին հնչած քննադատություններին։

Հիշեցնենք՝ «Հայաստան» խմբակցությունը պնդում է՝ Հակոբ Հակոբյանը, լինելով ՀՌՀ անդամ, «1-in.am» լրատվական կայքին տված հարցազրույցում քաղաքական գնահատականներ է հնչեցրել Հայ Յեղափոխական Դաշնակցություն կուսակցության հասցեին, և այդ գնահատականներն ուղեկցվել են ատելության քարոզով: Քաղաքական տարբեր ընդդիմախոսների վերաբերյալ տրվել են ձևակերպումներ:

«Ես չեմ կարծում, թե Դաշնակցությունը եկավ և մտավ իր պատմական առաքելության թևի տակ, որին հայ ժողովուրդը սպասում էր: Ես սրճարան հաճախող մարդ եմ և հաճախում եմ, սովորաբար, այն սրճարանը, որը, ասում են, դաշնակներինն է: Լավ սրճարան է, լավ սպասարկում, լավ էժան գներ: Ինձ մատուցողները շատ սիրով են ընդունում: Վերջերս, ուրեմն, այս ձեր նախաձեռնությունից հետո այնտեղ մի շատ լավ տղա կա, որի հետ ես շատ մոտիկ եմ, ասում եմ՝ այսինչ ջան, ինչո՞ւ ինձ չես բարևում կամ առաջվա նման չես բարևում: Ասում է՝ գիտես ինչ, ես, ասում է, մաուզերի (ավտոմատ ատրճանակի մի տեսակ-խմբ․) վրա երդում եմ տվել:

Ես կուզենայի, որ Դաշնակցությունը, մնալով Դաշնակցություն, այսօր երդում տար Հայաստանի Հանրապետության Սահմանադրության վրա: Կարելի է շատ ավելի առաջ գնալ: Ես այդ տղային շատ սիրում եմ, ես առիթ կստեղծեմ, որ իր հետ հաշտվեմ: Ես իրեն չասացի՝ եթե այսպես շարունակեք, կարող եք նաև կացնի վրա երդում տալ»,-նշել է նա։

Մանրամասները՝ տեսանյութում։