20.04.2026 | 17:07
Ավետիք Չալաբյանը՝ «5165 ազգային պահպանողական շարժում» կուսակցության նվիրատու
Հայկ Սարգսյանը որևէ քրեական վարույթով մեղադրյալի կարգավիճակ չունի. Դատախազություն
Քաղաքականություն
03.02.2026 | 23:05
ՀՀ ԱԺ «Քաղաքացիական պայմանագիր» խմբակցության պատգամավոր Հայկ Սարգսյանը քրեական որևէ վարույթով մեղադրյալի կարգավիճակ չունի։ Այս մասին FactorTV-ի գրավոր հարցմանն ի պատասխան հայտնեցին Գլխավոր դատախազությունից։
Հիշեցնենք՝ Կառավարության նիստից հետո տված ճեպազրույցի ժամանակ վարչապետ Նիկոլ Փաշինյանը հայտարարել էր, որ Հայկ Սարգսյանը խիստ նկատողություն է ստացել, ինչին հետևել են իրավական գործընթացներ.
«Ես չեմ կարծում, որ այդ քննարկումների բովանդակությունը հանրային դարձնելուն ուղղված գործողությունները բխում են պարոն Սարգսյանի շահերից։ Այդ պատմությունն ընդամենը մեկ բանի մասին է, որ ՔՊ-ն իր անդամների ոչ կանոնավոր, կոռուպցիոն տեսանկյունից խնդրահարույց գործողությունները չի հանդուրժելու»։
Թե ինչ խնդրահարույց գործարքների և իրավական գործընթացների մասին էր խոսքը, Փաշինյանը չմանրամասնեց, ինչի առթիվ FactorTV-ն գրավոր հարցում էր ուղարկել Գլխավոր դատախազություն։
Նշենք, որ խմբակցության և Հայկ Սարգսյանի հարաբերությունները վերջին շաբաթներին լարված են։ Նախ հայտնի դարձավ, որ Սարգսյանի թեկնածությունը ՔՊ վարչությունը չի հաստատել առաջիկա ընտրություններում կուսակցության ցուցակում լինելու համար, ինչը պատգամավորը բողոքարկել էր, սակայն, ապարդյուն։ Ավել ուշ արդեն հեռակա բանավեճ էր սկսել Սարգսյանի և ԱԺ պատգամավոր Ալեն Սիմոնյանի միջև, ինչից հետո Սարգսյանը հայտարարել էր, որ Սիմոնյանն իր ընկերը չէ։
Ռոզա Վարդանյան
