15.08.2026 | 16:55
Նիկոլ Փաշինյանն այցելել է Վ. Ա. Ֆանարջյանի անվան ուռուցքաբանության ազգային կենտրոն
Ցավում եմ, որ չի հասկացել. Սիմոնյանն արձագանքում է Հայկ Սարգսյանին. ՏԵՍԱՆՅՈՒԹ
Քաղաքականություն
16.01.2026 | 14:08
«Ինքը գիտի՝ ինչու ենք մերժել իր բողոքը»,- Factor TV-ի հարցին ի պատասխան ասաց ԱԺ նախագահ Ալեն Սիմոնյանը՝ անդրադառնալով ՔՊ վարչության կողմից իրենց թիմակից Հայկ Սարգսյանի բողոքը մերժելուն, որը վերաբերում էր ընտրական ցուցակում չընդգրկելու որոշմանը։
«Ես ցավում եմ, որ իր գնահատականն այդպիսին է։ Իրեն շատ մանրամասն ներկայացվել է պատճառը, ինչպես նաև բոլոր մնացածին։ Ցավում եմ, որ նույնիսկ այդքան ներկայացնելուց հետո հիմա պնդում է անում, որ ինքը չի հասկացել»,- ասաց Սիմոնյանը։
Հարցին՝ ինչո՞ւ Սարգսյանը չի կարող լինել ՔՊ ցուցակում, Ալեն Սիմոյանը պատասխանեց, որ նրա անձի հետ կապված խնդիր չկա։ Միևնույն ժամանակ ԱԺ խոսնակն ասաց, որ չի շփվում Սարգսյանի հետ։
Նշենք, որ Հայկ Սարգսյանն այսօր ավելի վաղ հայտնել էր, որ ՔՊ վարչությունը մերժել է ՔՊ ցուցակում ընդգրկվելու իր բողոքը։ Ըստ իշխանական պատգամավորի՝ իրեն որևէ օբյեկտիվ պատճառաբանություն չի ներկայացվել։
«Ասեմ նաև, որ բողոքարկումս չընդունելուց հետո ցուցակում լինելու ցանկություն չունեմ»,- խորհրդարանում լրագրողների հետ զրույցում ասել էր Հայկ Սարգսյանը։
Մանրամասները՝ տեսանյութում։
