28.10.2026 | 23:00
Հայաստան–Զիմբաբվե համագործակցությունը՝ ԱԲ-ի և տեխնոլոգիական կրթության ոլորտներում
«ռեԱրմենիա» ակադեմիան AI-ի միջոցով փոխակերպում է մարդկանց և կազմակերպությունների հնարավորությունները. ՏԵՍԱՆՅՈՒԹ
Հասարակություն
31.01.2026 | 15:00
AI կրթության և տրանսֆորմացիայի ոլորտում գործող «ռեԱրմենիա» ակադեմիան հայտարարել է ներդրումային առաջին շրջափուլի հաջող ավարտի մասին։ Ընկերությունը ներգրավել է 670 հազար ԱՄՆ դոլար տեղական և միջազգային մեկ տասնյակից ավելի ներդրողներից՝ 10 միլիոն դոլար ընդհանուր գնահատմամբ։
«Թումո»-ում կազմակերպված «Ինչպե՞ս համընթաց շարժվել AI-ի հետ» թեմայով քննարկման բանախոսներից Ամերիաբանկի Մարդկային ռեսուրսների կառավարման ծառայության ղեկավար Աննա Վարդանյանցն ընդգծում է՝ Ամերիաբանկը մշտապես ձգտում է նորարարության ու նոր լուծումների։
Համագործակցության շրջանակում Ամերիաբանկը սկսել է աշխատակիցների վերապատրաստման ծրագիր և արդեն գործարկել է երեք թիմ՝ յուրաքանչյուրում շուրջ 100 մասնակից։ Ավելի քան 300 աշխատակից արդեն անցել է AI թեմայով վերապատրաստում։
«ռեԱրմենիա» բարեգործական հիմնադրամը ներդրումային փուլի ավարտից հետո շարունակում է մնալ ստարտափի հիմնական բաժնետերը՝ ավելի քան 90 տոկոսով։ Ակադեմիայի գործադիր տնօրեն Ռեբեկա Հակոբյանի խոսքով՝ իրենց ուշադրությունը կենտրոնացած է մարդակենտրոն AI-ի վրա, որի նպատակը ստեղծարարության, ուսուցման և զարգացման բազմապատկումն է։
2025 թվականի ընթացքում ակադեմիան AI կրթություն է տրամադրել ավելի քան 9 հազար անձի Հայաստանից և սփյուռքից։
Մանրամասները՝ տեսանյութում։
Արփի Հակոբյան
