10.09.2026 | 19:43
Արմաշի նախկին զորանոցի տարածքը հետ են վերցնում Ջրային կոմիտեից․ «Արարատ» ՋՕԸ-ն այն չի օգտագործել
Australian Open․ Ալկարասն ու Ջոկովիչը կհանդիպեն եզրափակիչում․ ՏԵՍԱՆՅՈՒԹ
30.01.2026 | 18:36
Թենիսի Ավստրալիայի բաց առաջնության տղամարդկանց մենախաղի եզրափակիչում կհանդիպեն աշխարհի առաջին ռակետ, իսպանացի Կառլոս Ալկարասը և չորրորդ ռակետ, սերբ Նովակ Ջոկովիչը։
«Մեծ սաղավարտի» տարվա առաջին մրցաշարի կիսաեզրափակիչի երկու մրցախաղերում էլ հաղթողը որոշվեց 5 սեթում։
Եզրափակիչի առաջին ուղեգիրը նվաճեց Կառլոս Ալկարասը, որը 6:4, 7:6, 6:7, 6:7, 7:5 հաշվով առավելության հասավ Գերմանիայի ներկայացուցիչ Ալեքսանդր Զվերևի նկատմամբ։ Մրցախաղը տևեց 5 ժամ 27 րոպե: 22-ամյա Ալկարասը կարիերայում առաջին անգամ կխաղա Australian Open-ի եզրափակիչում։
Երկրորդ կիսաեզրափակիչում «Մեծ սաղավարտի» մրցաշարերի 24-ակի հաղթող Նովակ Ջոկովիչն ուժեղ գտնվեց Australian Open-ի գործող չեմպիոն, իտալացի Յանիկ Սիներից։ 4 ժամ 12 րոպե տևողությամբ մրցախաղում 38-ամյա սերբ թենիսիստն առավելության հասավ 3։6, 6։3, 4։6, 6։4, 6։4 հաշվով։ Ջոկովիչն ընդհատեց աշխարհի երկրորդ ռակետ Սիների 19-խաղյա հաղթական շարքն Ավստրալիայի բաց առաջնությունում։
Australian Open-ի եզրափակիչը կկայանա փետրվարի 1-ին։ Մրցանակային հիմնադրամը 74,9 միլիոն դոլար է։
