28.06.2026 | 23:31
Ո՞ւր են ընտրությունների արդյունքներից դժգոհ մարդիկ․ Գալյանը՝ Վարդևանյանին. ՏԵՍԱՆՅՈւԹ
Սաբալենկան 4-րդ անգամ անընդմեջ դուրս եկավ Australian Open-ի եզրափակիչ ու կխաղա Ռիբակինայի հետ․ ՏԵՍԱՆՅՈՒԹ
29.01.2026 | 16:20
Թենիսի Ավստրալիայի բաց առաջնության կանանց մենախաղի չեմպիոնի կոչումը կվիճարկեն աշխարհի առաջին ռակետ, բելառուս Արինա Սաբալենկան ու Ղազախստանը ներկայացնող Ելենա Ռիբակինան։
Կիսաեզրափակիչում 27-ամյա Սաբալենկան 1 ժամ 17 րոպեում 6:2, 6:3 վստահ հաղթանակ տարավ ուկրաինացի Էլինա Սվիտոլինայի նկատմամբ ու չորրորդ տարին անընդմեջ նվաճեց Australian Open-ի եզրափակիչի ուղեգիր։
5-րդ ռակետ Ելենա Ռիբակինան դարձյալ երկու սեթում ուժեղ գտնվեց ամերիկացի Ջեսիկա Պեգուլայից՝ 6։3, 7։6։ Մրցախաղը տևեց 1 ժամ 42 րոպե:
Եզրափակիչը կկայանա հունվարի 31-ին։ Այս տարի Australian Open-ի կանանց մենախաղի չեմպիոնի տիտղոսը չէր կարողացել պաշտպանել ամերիկացի Մեդիսոն Քիզը, որը չորրորդ շրջանում պարտվել էր Ջեսիկա Պեգուլային։
