28.07.2026 | 16:45
Թրամփը սիրում է հաղթողներին․ նրա կարծիքով՝ Զելենսկին ավելի ու ավելի է նմանվում նրանցից մեկին․ WSJ
Պեսկովը հաստատել է՝ Թրամփը խնդրել է Պուտինին դադարեցնել Կիևին հարվածները
Քաղաքականություն
30.01.2026 | 15:46
ԱՄՆ նախագահ Դոնալդ Թրամփն անձամբ խնդրել է իր ռուս գործընկեր Վլադիմիր Պուտինին՝ ձեռնպահ մնալ Կիևին հարվածելուց մինչև փետրվարի 1-ը, հայտարարել է ՌԴ նախագահի մամուլի քարտուղար Դմիտրի Պեսկովը, գրում է Ինտերֆաքսը։
«Իրոք, նախագահ Թրամփն անձամբ խնդրել է նախագահ Պուտինին ձեռնպահ մնալ Կիևին հարվածելուց մեկ շաբաթ՝ մինչև փետրվարի 1-ը՝ բանակցությունների համար բարենպաստ պայմաններ ստեղծելու համար»,- լրագրողներին ասել է նա։
Կրեմլի խոսնակին հարցրել են՝ արդյո՞ք փետրվարի 1-ը ներառում է Թրամփի կողմից պահանջվող հրադադարի ժամկետը։
«Մինչև փետրվարի 1-ը»,- պատասխանել է Պեսկովը։
Նա հրաժարվել է պատասխանել հարցերին՝ Պուտինը համաձայնե՞լ է Թրամփի խնդրանքին և արդյո՞ք առաջարկը վերաբերում է բոլոր հարվածների դադարեցմանը, թե խոսքը միայն էներգետիկ օբյեկտների մասին է։
«Ես արդեն ասվածին ավելացնելու ոչինչ չունեմ։ Ուզում եմ ևս մեկ անգամ ընդգծել, որ մենք խոսում ենք բանակցությունների համար բարենպաստ պայմաններ ստեղծելու մասին»,- ասել է Պեսկովը։
Թրամփը հայտարարել էր, որ անձամբ խնդրել է Պուտինին մեկ շաբաթով դադարեցնել Ուկրաինայի քաղաքների վրա հարվածները՝ սաստիկ ցուրտ եղանակի պատճառով։
Թարգմանությունը՝ Էմմա Չոբանյանի
