Քաղաքականություն
30.01.2026 | 16:02
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Իրանի նախագահ Մասուդ Փեզեշքիանի հետ։ Թուրքիայի նախագահականի հաղորդակցության վարչության հաղորդագրության համաձայն՝ երկու երկրների նախագահները քննարկել են երկկողմ հարաբերությունները, ինչպես նաև տարածաշրջանում սրվող ռազմական լարվածությունը, գրում է TRT Haber-ը։
Զրույցի ընթացքում Էրդողանը շեշտել է, որ Թուրքիան պատրաստ է միջնորդի դեր կատարել Իրանի և ԱՄՆ-ի միջև՝ լարվածությունը նվազեցնելու և խնդիրները լուծելու համար։
Էրդողանը նաև նշել է, որ այսօր կընդունի Թուրքիայում գտնվող Իրանի արտգործնախարար Աբբաս Արաղչիին։
Թարգմանությունը՝ Էմմա Չոբանյանի
