20.02.2026 | 17:30
Երևանի քրեական դատարանի նախագահ Ժորա Չիչոյանը չհերքեց, որ ԱԱԾ տնօրեն Անդրանիկ Սիմոնյանի ընկերն է․ ՏԵՍԱՆՅՈՒԹ
«Հնարավոր է արթնանամ բանտում». Բելգիայի վարչապետը գաղտնի գրառումները մոռացել է Թրամփի մոտ
Քաղաքականություն
28.01.2026 | 21:48
Բելգիայի վարչապետ Բարտ դե Վեվերը խոստովանել է, որ գաղտնի փաստաթղթեր է մոռացել Դավոսում՝ ԱՄՆ նախագահ Դոնալդ Թրամփի հետ հանդիպման ժամանակ։ Վեվերը կատակել է, որ եթե ամերիկյան կողմին դուր չգա դրանց բովանդակությունը, ապա նա կարող է «վաղն արթնանալ բանտում»՝ ակնարկելով Վենեսուելայի նախագահ Նիկոլաս Մադուրոյի ճակատագիրը․ գրում է ՏԱՍՍ-ը։
«Հանկարծ հասկացա, որ իմ աշխատանքային գրառումները թողել եմ Թրամփի մոտ։ Այնպես որ, լիովին հնարավոր է, որ ԱՄՆ նախագահը հետագայում իր պայուսակում հայտնաբերի անվտանգության ճեպազրույցի իմ ամենօրյա գրառւմները և բելգիական գարեջրի արդյունաբերության վիճակի վերաբերյալ վերլուծական նշումները։ Եթե Թրամփը որոշի, որ «գարեջուր» բառը Գրենլանդիայի կոդն է, ապա հնարավոր է վաղն արթնանամ բանտում», – կատակել է նա Դավոսում Համաշխարհային տնտեսական ֆորումի շրջանակներում ունեցած ելույթի ժամանակ։
Հիշեցնենք՝ հունվարի 3-ի լույս գիշերը ԱՄՆ-ը ռազմական օպերացիա էր իրականացրել Վենեսուելայում, որի ընթացքում ամերիկացի հատուկջոկատայինները գերեվարել և երկրից դուրս էին բերել նախագահ Նիկոլաս Մադուրոյին և նրա կնոջը՝ Սիլիա Ֆլորեսին։
Վենեսուելայի նախագահն ու նրա կինը գերի են վերցվել և արտաքսվել երկրից․ Թրամփ
