18.08.2026 | 19:45
OpenAI-ը ChatGPT-ի՝ դեռահասների համար նախատեսված ռեժիմ է գործարկել՝ սահմանափակումներով և ծնողական վերահսկողությամբ
Կան կազմակերպություններ, որոնք դիտորդի շապիկի տակ քաղաքականությամբ են զբաղվում․ Ջուլհակյան․ ՏԵՍԱՆՅՈՒԹ
Քաղաքականություն
23.01.2026 | 11:39
Ազգային ժողովում քննարկվում է Ընտրական օրենսգիրք սահմանադրական օրենքում փոփոխություններ և լրացումներ կատարելու մասին նախագիծը, որը հեղինակել են պատգամավորներ Արուսյակ Ջուլհակյանը, Վլադիմիր Վարդանյանը և Լիլիթ Մինասյանը։
«Կան կազմակերպություններ, որոնք, ըստ էության, դիտորդի շապիկի տակ քաղաքականությամբ են զբաղվում, և նաև այդ խնդիրն է, որ այս նախագծով մենք փորձում ենք լուծել: Արդյոք հնարավո՞ր է այնպես անել, որ դիտորդների կազմը հավատարմագրված լինի ֆիքսված: Ես կարծում եմ, որ ոչ, որովհետև դիտորդ իրական դիտորդական առաքելությունները նույնպես խոսում են այն մասին, որ իրենց մոտ դիտորդների ցուցակում նաև օբյեկտիվ հանգամանքներով պայմանավորված բազմաթիվ փոփոխություններ են տեղի ունենում, և հետևաբար, տարբեր ժամկետներ կան թե՛ դիտորդական առաքելության հավատարմագրման, որպես կազմակերպություն, և թե՛ արդեն առանձին դիտորդների այդ դիտորդական առաքելության կազմում հավատարմագրման համար:
Այս պահի դրությամբ գործող կարգավորումների համաձայն՝ դիտորդական առաքելության հավատարմագրման ժամկետն է ոչ ուշ, քան ընտրություններից 10 օր առաջ, իսկ առանձին դիտորդների համար, եթե դա լոկալ կազմակերպություն է, ոչ ուշ, քան երեք օր առաջ ընտրություններից»,-նշեց նախագիծը ներկայացնող Արուսյակ Ջուլհակյանը:
Մանրամասները՝ տեսանյութում։
