09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Իսպանիայում ևս մեկ երկաթուղային վթար է տեղի ունեցել. զոհվել է մեքենավարը, շուրջ 40 մարդ վիրավորվել
Քաղաքականություն
21.01.2026 | 11:23
Հունվարի 20-ի երեկոյան Կատալոնիայում ռելսերից դուրս է եկել Rodalies-ի մերձքաղաքային գնացքը, որը երթևեկում էր Սանտ Սադուրնի դ’Անոյա և Ժելիդա կայարանների միջև (Բարսելոնայից մոտավորապես 50 կիլոմետր հեռավորության վրա), գրում է Meduza-ն:
Իսպանական El Pais և RTVE լրատվամիջոցները գրում են, որ գնացքը բախվել է ռելսերի վրա փլուզված հենապատին, որը, ըստ երևույթին, առաջացել է վերջին օրերին տեղի ունեցած ուժեղ անձրևների հետևանքով առաջացած սողանքի պատճառով:
Մեքենավարը մահացել է բախման հետևանքով։ Եվս 37 մարդ վիրավորվել է, որոնցից հինգը ծանր վնասվածքներ են ստացել, վեցը՝ միջին ծանրության, իսկ 26-ը՝ թեթև։ Վիրավորների մեծ մասը եղել է առաջին վագոնում, հաղորդում է El Pais-ը։
Կատալոնիայում երկաթուղային երթևեկությունը դադարեցվել է և չի վերսկսվի՝ մինչև «ենթակառուցվածքների ստուգման աշխատանքների ավարտը»։
Սա Իսպանիայում վերջին մի քանի օրերի ընթացքում տեղի ունեցած երկրորդ երկաթուղային վթարն է։ Հունվարի 18-ին երկրի հարավում տեղի էր ունեցել վերջին 13 տարվա ամենածանր երկաթուղային վթարը. Կորդոբա նահանգում Մալագայից Մադրիդ մեկնող գնացքը դուրս էր եկել գծերից և բախվել Մադրիդից Ուելվա մեկնող հանդիպակաց գնացքին։ 39 մարդ զոհվել է, առնվազն 152-ը՝ վիրավորվել։
Թարգմանությունը՝ Էմմա Չոբանյանի
