18.08.2026 | 19:45
OpenAI-ը ChatGPT-ի՝ դեռահասների համար նախատեսված ռեժիմ է գործարկել՝ սահմանափակումներով և ծնողական վերահսկողությամբ
Հրդեհ՝ Պուշկին 42 հասցեում. ըստ ականատեսների՝ պատճառը կարճ միացումն է․ ՏԵՍԱՆՅՈՒԹ
Հասարակություն
19.01.2026 | 15:40
Մայրաքաղաքի Պուշկինի 42 հասցեում այսօր վաղ առավոտյան հրդեհ է բռնկվել․ այրվել են այդ հասցեում գործող «Ջեքի Չան» խանութ-սրահի արտաքին պատին ամրացված ամանորյա ձևավորման պարագաները, սուրճի ապարատը, խանութի ծածկի փայտե կառուցատարրերը, 2-րդ հարկի բնակարանի պատշգամբում գտնվող կենցաղային իրեր և օդափոխման համակարգեր։
Նույն հասցեում գործող մեկ այլ խանութի աշխատակից Factor TV-ին պատմեց, որ «կարճ միացում է եղել, որից էլ հրդեհ է բռնկվել»։
Տարածքում գործող խանութների տնտեսվարողները մեր նկարահանման պահին դուրս էին բերում հրդեհաշիջման աշխատանքների ընթացքում ներս լցված ջուրը։ Բնակիչներն էլ ասացին, որ մեծ վնասներ չեն կրել․ այրվել են օդափոխության համակարգեր և պատշգամբում գտնվող կենցաղային իրեր։
Մանրամասները՝ տեսանյութում։
Արփի Հակոբյան
