19.01.2026 | 16:54
Իրանը դիտարկում է ինտերնետի արգելքի վերացումը․ երկրի պետական հեռուստատեսությունը հաքերային հարձակման է ենթարկվել
Պուտինն ԱՄՆ-ից հրավեր է ստացել՝ միանալու Գազայի Խաղաղության խորհրդին․ Պեսկով
19.01.2026 | 15:26
Ռուսաստանի նախագահ Վլադիմիր Պուտինը դիվանագիտական ուղիներով հրավեր է ստացել Միացյալ Նահանգներից՝ միանալու Գազայի Խաղաղության խորհրդին։ Մոսկվան ուսումնասիրում է այն և հույս ունի շփումներ ունենաալ ամերիկացիների հետ՝ մանրամասները պարզաբանելու համար։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է Ինտերֆաքսը։
«Այո՛, նախագահ Պուտինը նույնպես դիվանագիտական ուղիներով հրավեր է ստացել՝ միանալու այդ Խաղաղության խորհրդին։ Մենք ներկայում ուսումնասիրում ենք առաջարկության բոլոր մանրամասները, այդ թվում՝ ամերիկյան կողմի հետ շփումների հույս ունենք՝ բոլոր նրբությունները պարզաբանելու համար»,- լրագրողներին ասել է Պեսկովը։
Ավելի վաղ հայտնի էր դարձել, որ Ղազախստանի նախագահ Կասիմ-Ժոմարտ Տոկաևը պաշտոնական հրավեր է ստացել ԱՄՆ նախագահ Դոնալդ Թրամփից՝ միանալու Գազայի Խաղաղության խորհրդին։
Թրամփն ավելի վաղ հայտարարել էր Գազայի Խաղաղության խորհրդի ստեղծման մասին։ Սպիտակ տունը շաբաթ հայտարարել էր, որ խորհրդի կազմում են ԱՄՆ պետքարտուղար Մարկո Ռուբիոն, Թրամփի հատուկ բանագնաց Սթիվ Ուիթկոֆը, ԱՄՆ նախագահի փեսան և ներդրող Ջարեդ Քուշները, Մեծ Բրիտանիայի նախկին վարչապետ Թոնի Բլեերը, Համաշխարհային բանկի նախագահ Աջայ Բանգան և ԱՄՆ ազգային անվտանգության հարցերով խորհրդականի տեղակալ Ռոբերտ Գաբրիելը։
Թարգմանությունը՝ Էմմա Չոբանյանի
