Քաղաքականություն
15.01.2026 | 17:07
Բաքվի ծանր հանցագործությունների դատարանը հեռակա կարգով դատապարտել է արտասահմանում բնակվող ու Ադրբեջանի իշանություններին քննադատող ադրբեջանցի բլոգեր Աբիդ Գաֆարովին և լրագրողներ Սևինջ Օսմանգըզիին և Բեյդուլլա Մանաֆովին։ Դատավոր Նիգար Իմանովայի նախագահությամբ անցկացված դատավարության ընթացքում նրանցից յուրաքանչյուրը դատապարտվել է 8 տարվա ազատազրկման։
Նրանք հիմնականում մեղադրվում են «պետության դեմ բացահայտ կոչերի», «կրկնվող հանցագործություններ կամ մի խումբ անձանց կողմից կատարված հանցագործությունների մեջ»։
ԱՄՆ-ում բնակվող լրագրող Սևինչ Օսմանգիզին հերքում է այս մեղադրանքները։
Աբիդ Գաֆարովն էլ հայտարարել է, որ ինքն անկարգությունների կամ բախման կոչ չի արել։
Նախկինում դատավճիռներ էին կայացվել արտասահմանում բնակվող բլոգերներ Օրդուխան Բաբիրովի (Թեյմուրխան), Օրխան Աղաևի, Թուրալ Սադիգլիի, Ռաֆայել Փիրիևի, Էլշադ Մամեդովի, Սուլեյման Սուլեյմանլիի և Գուրբան Մամեդովի նկատմամբ։ Դատավճռի համաձայն՝ Գուրբան Մամեդովը և Թուրալ Սադիգլին դատապարտվել են 14 տարվա ազատազրկման, իսկ Սուլեյման Սուլեյմանլին, Օրդուխան Թեյմուրխանը, Օրխան Աղաևը, Ռաֆայել Փիրիևը և Էլշադ Մամեդովը՝ 9 տարվա ազատազրկման։
Թարգմանությունը՝ Էմմա Չոբանյանի
