Իրանի ԱԳ նախարարը հայտարարել է, որ Ուիթկոֆի հետ իր շփումները շարունակվում են

Լուրեր

21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
Բոլորը

Իրանի արտաքին գործերի նախարար Աբբաս Արաղչին զգուշացրել է Միացյալ Նահանգներին, որ իր երկիրը պատրաստ է պատերազմի, եթե Վաշինգտոնը ցանկանա «փորձարկել», այն բանից հետո, երբ ԱՄՆ նախագահ Դոնալդ Թրամփը սպառնացել է ռազմական գործողություններ ձեռնարկել՝ ի պատասխան Իրանի կողմից հակակառավարական բողոքի ցույցերի ճնշմանը։ Al Jazeera Arabic-ին տված բացառիկ հարցազրույցում Արաղչին, միաժամանակ, ասել է, որ ԱՄՆ-ի հետ հաղորդակցության ուղիները բաց են շարունակվող անկարգությունների ֆոնին, բայց ընդգծել է, որ իր երկիրը «պատրաստ է բոլոր տարբերակներին»՝ պնդելով, որ Իրանն այժմ ունի «մեծ և լայնածավալ ռազմական պատրաստվածություն»՝ համեմատած անցյալ տարվա 12-օրյա պատերազմի հետ։

Նրա մեկնաբանությունները հաջորդում են Թրամփի կիրակի օրվա ելույթներին՝ Իրանում տեղի ունեցող համազգային բողոքի ցույցերի ֆոնին, որոնք սկիզբ են առել տնտեսական դժվարություններից և վերածվել համակարգային փոփոխությունների ավելի լայն կոչերի: ԱՄՆ նախագահը հայտարարել էր, որ դիտարկում է Իրանի համար «ուժեղ տարբերակներ»՝ բողոքի ցույցերի դեմ երկրի ղեկավարության կողմից ճնշումների համար, այդ թվում՝ հնարավոր ռազմական գործողություններ:

Թրամփը նաև ասել էր, որ Թեհրանի հետ հանդիպում է նշանակվում՝ նրա միջուկային ծրագրի շուրջ բանակցելու համար, «սակայն մենք կարող ենք ստիպված լինել գործել՝ հաշվի առնելով այն, ինչ տեղի է ունենում հանդիպումից առաջ»։

«Եթե Վաշինգտոնը ցանկանում է դիմել նախկինում փորձարկված ռազմական տարբերակին, մենք պատրաստ ենք դրան»,- ասել է Արաղչին՝ հույս հայտնելով, որ ԱՄՆ-ը կընտրի երկխոսության «խոհեմ տարբերակը», միաժամանակ, զգուշացնելով «նրանց մասին, ովքեր փորձում են Վաշինգտոնին ներքաշել պատերազմի մեջ՝ Իսրայելի շահերը սպասարկելու համար»։

Հարցազրույցում Արաղչին անդրադարձել է զոհերի աճող թվին՝ կրկնելով նախկինում արված պնդումները, որ «ահաբեկչական տարրերը» «ներթափանցել են ցուցարարների ամբոխի մեջ և թիրախավորել անվտանգության ուժերին ու ցուցարարներին»։ Իրանը մեղադրել է ԱՄՆ-ին և Իսրայելին վերջին երկու շաբաթների ընթացքում երկրում անկարգություններ հրահրելու համար։

Վերջին օրերին պետական ​​լրատվամիջոցները հաղորդում են, որ ավելի քան 100 անվտանգության աշխատակից է սպանվել, մինչդեռ ընդդիմադիր ակտիվիստները պնդում են, որ զոհերի թիվն ավելի մեծ է և ներառում է հարյուրավոր ցուցարարների:

Իրանից տեղեկատվության հոսքը խոչընդոտվում է հինգշաբթի օրվանից ինտերնետի անջատման պատճառով: Արտաքին գործերի նախարարը երկուշաբթի հայտարարել էր, որ ծառայությունը կվերականգնվի անվտանգության ծառայությունների հետ համակարգված աշխատանքով:

Արաղչին  Al Jazeera-ին ասել է, որ ԱՄՆ հատուկ դեսպան Սթիվ Ուիթկոֆի հետ իր շփումները «շարունակվել են բողոքի ցույցերից առաջ ու հետո, և դեռևս շարունակվում են»։ Նա ասել է, որ Թեհրանում ուսումնասիրվում են Վաշինգտոնի հետ քննարկված գաղափարները։

«Վաշինգտոնի առաջարկած գաղափարներն ու մեր երկրի դեմ սպառնալիքներն անհամատեղելի են։ Մենք պատրաստ ենք նստել միջուկային բանակցությունների սեղանի շուրջ, եթե դա լինի առանց սպառնալիքների կամ թելադրանքների»,- ասել է Արաղչին։

Իրանի խորհրդարանի խոսնակ Մոհամմադ Բաղեր Ղալիբաֆը կիրակի հայտարարել էր, որ ԱՄՆ զինված ուժերը և Իսրայելը կդառնան «օրինական թիրախներ», եթե Վաշինգտոնը միջամտի ներկայիս անկարգություններին, զգուշացնելով Վաշինգտոնին «սխալ հաշվարկի» մասին։

Wall Street Journal-ը հաղորդել է, որ Սպիտակ տունը քննարկում է Իրանի առաջարկը՝ մասնակցելու հետագա բանակցություններին՝ նույնիսկ այն դեպքում, երբ Թրամփը մտածում էր երկրին հարվածներ հասցնելու մասին։

Թարգմանությունը՝ Էմմա Չոբանյանի