30.10.2026 | 13:42
Երկու մարզադաշտ, մեկ ընկերություն՝ առանց բաց մրցույթի․ ինչպես է Կառավարությունը կազմակերպել միլիոնավոր եվրոների գնումները
Իրանը հաստատում է ԱՄՆ-ի հետ բանակցությունների շուրջ բաց հաղորդակցությունը
Քաղաքականություն
12.01.2026 | 15:30
Իրանի արտաքին գործերի նախարարությունը երկուշաբթի օրը հայտարարել է, որ ԱԳ նախարար Աբբաս Արաղչիի և ԱՄՆ նախագահ Դոնալդ Թրամփի հատուկ բանագնաց Սթիվ Ուիթկոֆի միջև հաղորդակցման ուղին բաց է մնում, այն բանից հետո, երբ Թրամփը հայտարարել էր, որ Թեհրանը կապ է հաստատել հնարավոր բանակցությունների վերաբերյալ, գրում է Iran International-ը։
«Պարոն Արաղչիի և ԱՄՆ նախագահի հատուկ ներկայացուցչի միջև հաղորդակցման ուղին բաց է, և անհրաժեշտության դեպքում հաղորդագրություններ են փոխանակվում այդ ուղով», – ասել է արտաքին գործերի նախարարության խոսնակ Էսմայիլ Բաղային։
Նա հավելել է, որ Իրանը «շարունակում է հավատարիմ մնալ դիվանագիտությանը և երկկողմանի բանակցություններին»։
Բաղային նշել է, որ Թեհրանի և Վաշինգտոնի միջև հաղորդակցության ուղիները մնում են բաց, օրինակ՝ ԱՄՆ հատուկ ներկայացուցչի կամ ավանդական միջնորդների միջոցով, ինչպիսին է, օրինակ, Շվեյցարիան։
Թրամփը լրագրողներին ասել էր, որ Իրանը կապ է հաստատել Միացյալ Նահանգների հետ և առաջարկել է բանակցություններ վարել միջուկային համաձայնագրի շուրջ։
Թարգմանությունը՝ Էմմա Չոբանյանի
