09.06.2026 | 20:55
Հայաստանի հավաքականը բաց թողեց հաղթանակը Մոլդովայի դեմ խաղում. ՏԵՍԱՆՅՈՒԹ
Թրամփը ծրագրում է նավթի գները իջեցնել մինչև 50 դոլար մեկ բարելի դիմաց՝ Վենեսուելայի նավթի վերահսկմամբ
Քաղաքականություն
08.01.2026 | 21:30
Վենեսուելայում ԱՄՆ-ի գործողությունների ֆոնին Brent տեսակի նավթի գները նվազել են մինչև 60,64 դոլար՝ մեկ բարելի դիմաց, մինչդեռ ամերիկյան West Texas Intermediate (WTI) տեսակի նավթի գինը նվազել է մինչև 57,24 դոլարի։ ԱՄՆ նախագահ Դոնալդ Թրամփը, սակայն, ցանկանում է WTI-ի գինը իջեցնել մինչև 50 դոլարի՝ ամերիկացի սպառողների համար էներգակիրների ծախսերը կրճատելու համար, հաղորդում է The Wall Street Journal-ը՝ հղում անելով տեղեկացված աղբյուրներին և Սպիտակ տան երկու բարձրաստիճան պաշտոնյաներին, փոխանցում է Current time-ը։
Լրատվամիջոցի տվյալներով`Թրամփը և նրա խորհրդականները ծրագրում են «մեծածավալ նախաձեռնություն»՝ «երկար տարիների ընթացքում» Վենեսուելայի նավթարդյունաբերության նկատմամբ ամերիկյան գերիշխանությունը հաստատելու համար։
Մասնավորապես, քննարկվում է Վենեսուելայի պետական նավթային Petróleos de Venezuela SA (PdVSA) ընկերության նկատմամբ վերահսկողությունը ստանձնելու հնարավորությունը։ Այս դեպքում Միացյալ Նահանգները կվերահսկի Արևմտյան կիսագնդի նավթի պաշարների մեծ մասը՝ նաև դուրս մղելով Չինաստանին և Ռուսաստանին Վենեսուելայից։
PdVSA-ն սոցիալական ցանցերում հայտարարել է, որ բանակցություններ է վարում Միացյալ Նահանգների հետ «երկու երկրների միջև առկա առևտրային հարաբերությունների շրջանակում նավթ վաճառելու համար»։
Ավելի վաղ Թրամփը հայտարարել էր, որ Վենեսուելան ԱՄՆ-ին 30-ից 50 միլիոն բարել նավթ «կփոխանցի»։
Թարգմանությունը՝ Էմմա Չոբանյանի
