06.11.2026 | 13:43
Հայաստանն ու Մեծ Բրիտանիան ստորագրել են պաշտպանության ոլորտում համագործակցության 2026-2027 թվականների ծրագիրը
2 մլրդ դրամի արտոնություն՝ Ալեքսանյանների ընտանիքին․ 2-րդը՝ մեկ ամսվա ընթացքում
Տնտեսություն
07.01.2026 | 18:09
ՀՀԿ-ական նախկին պատգամավոր, խոշոր գործարար Սամվել Ալեքսանյանի դուստրը՝ Աստղիկ Ալեքսանյանը, մեկ ամսվա ընթացքում Կառավարությունից երկրորդ անգամ է արտոնություն ստանում։
Factor.am-ը Կառավարության նախագծերի ուսումնասիրությունից պարզեց, որ Ալեքսանյաններին պատկանող ծխախոտի արտադրությամբ զբաղվող «Լեքս Տոբակո Քոմփանի» ընկերությունը պատրաստվում է հումք ներկրել և Կառավարությունից ակնկալում է մաքսատուրքից ազատում։
Նախատեսվում է իրականացնել 32․4 մլրդ դրամի ներդրում հումքի ձեռքբերման համար և 4․3 մլրդ դրամի կապիտալ ներդրում։ Մաքսատուրքից ազատման արտոնությունը գնահատվում է 2 մլրդ դրամ։
Ընկերությունն ունի 258 աշխատատեղ՝ 311 հազ․ դրամ միջին ամսական աշխատավարձով, մինչև 2028 թվականը նախատեսվում է աշխատատեղերի թիվը հասցնել մինչև 333-ի՝ 390 հազ․ դրամ միջին ամսական աշխատավարձով։
Կառավարությունը դեկտեմբերի 13-ին արտոնություն էր տվել Ալեքսանյանների մեկ այլ ընկերության՝ «Ալեքս Տեքստիլ»-ին։ Այդ օրն Ալեքսանյաններն ազատվել էին 109 մլն դրամի մաքսատուրք վճարելու պարտավորությունից։
Նարեկ Կիրակոսյան
