03.07.2026 | 21:42
ԱԱԾ-ն հաստատում է՝ Քոչարյանի կադրերը կառույցն է տրամադրել իշխանական ԶԼՄ-ներին․ նպատակը չի բացահայտում. ՏԵՍԱՆՅՈՒԹ
Հոգեբանական կենտրոնում դանակահարված հայտնի հոգեբանը մահացել է. NEWS.am
20.07.2017 | 11:46
Այսօր՝ հուլիսի 20-ի գիշերը Թիվ 1 համալսարանական հիվանդանոցում մահացել է հուլիսի 17-ին իր աշխատասենյակում դանակահարված, «ԱՅԳ» հոգեբանական ծառայությունների կենտրոնի ղեկավար, հոգեբան Ռուբեն Պողոսյանը:
Հիվանդանոցից NEWS.am-ին հայտնեցին, որ Պողոսյանը մահացել է գիշերը ժամը 04.00-ի սահմաններում, կրկնակի ծանր ինֆարկտի զարգացման և կարդիոգեն շոկի հետևանքով:
Նշենք, որ հուլիսի 17-ին, ժամը 14.45-ին, հիվանդանոցից ոստիկանության հաղորդում էր ստացվել, որ «դեմքի կտրած վերք, բազմաթիվ վերքեր, արյունահոսություն» ախտորոշմամբ բուժօգնության է տեղափոխվել 1947 թ. ծնված Ռուբեն Պողոսյանը:
Ոստիկանության ծառայողների ձեռնարկած միջոցառումների շնորհիվ պարզվել էր, որ նույն օրը՝ ժամը 14.00-ին, Մաշտոցի պողոտայի 40 շենքում գործող հոգեբանական կենտրոնում 1983 թ. ծնված Հրանտ Հ.-ն թուղթ կտրելու դանակով հարվածներ է հասցրել Ռուբեն Պողոսյանի դեմքին և գլխին՝ պատճառելով վնասվածքներ:
